കൊല്‍ക്കത്ത: ബിജെപി എംപി മേനകാ ഗാന്ധിക്കെതിരെ നിയമനടപടിയുമായി ലോകത്തിലെ ഏറ്റവും വലിയ കൃഷ്ണ ഭക്ത സംഘടനയായ ഇസ്‌കോണ്‍ (ഇന്റര്‍നാഷണല്‍ സൊസൈറ്റി ഫോര്‍ കൃഷ്ണ കോണ്‍ഷ്യസ്‌നെസ്). ഇസ്‌കോണ്‍ കൊടും വഞ്ചകരാണെന്നും അവര്‍ പശുക്കളെ കശാപ്പുകാര്‍ക്ക് വില്‍ക്കുകയാണെന്നും മേനകാ ഗാന്ധി ആരോപിച്ചിരുന്നു.
സംഘടനയ്‌ക്കെതിരെ ഇല്ലാത്ത ആരോപണങ്ങള്‍ ഉന്നയിച്ചതിന് മേനകാ ഗാന്ധിക്കെതിരെ നൂറുകോടി രൂപയുടെ മാനനഷ്ട നോട്ടീസ് നല്‍കിയതായി ഇസ്‌കോണ്‍ കൊല്‍ക്കത്ത വൈസ് പ്രസിഡന്റ് രാധാരാമന്‍ ദാസ് അറിയിച്ചു. മേനകാ ഗാന്ധിയുടെ ആരോപണങ്ങള്‍ ലോകത്താകെയുളള ഇസ്‌കോണ്‍ അഭ്യുദയാകാംക്ഷികളെയും ഭക്തരെയും വേദനിപ്പിച്ചെന്നും വ്യാജ പ്രചാരണങ്ങളില്‍ നീതി ലഭിക്കാനായി ഏതറ്റം വരെയും പോകുമെന്നും രാധാരാമന്‍ ദാസ് പറഞ്ഞു.
മൃഗസംരക്ഷണവുമായി ബന്ധപ്പെട്ട് ഒരു ഓണ്‍ലൈന്‍ മാധ്യമത്തോട് സംസാരിക്കവേയാണ് മുന്‍ കേന്ദ്രമന്ത്രിയും മൃഗാവകാശ പ്രവര്‍ത്തകയുമായ മേനകാ ഗാന്ധി ഇസ്‌കോണിനെതിരെ ഗുരുതര ആരോപണമുന്നയിച്ചത്. 'രാജ്യത്തെ ഏറ്റവും വലിയ ചതിയന്മാരാണ് ഇസ്‌കോണ്‍. അവര്‍ ഗോശാലകള്‍ നിര്‍മ്മിക്കുന്നു. ഗോക്കളെ പരിപാലിക്കുന്നുവെന്ന് അവകാശപ്പെട്ട് അതിന്റെ പേരില്‍ സ്ഥലങ്ങളുള്‍പ്പെടെ സര്‍ക്കാരില്‍ നിന്ന് ആനുകൂല്യങ്ങള്‍ നേടിയെടുക്കുന്നു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
