പ്രാർത്ഥന
ലോകത്തിലെ ഏറ്റവും
ഏകാന്തനായ മനുഷ്യൻ!
ഏറ്റം വിവശനും ചകിതനും
ദു:ഖിതനും!
ക്രൂശിക്കപ്പെടുന്നതിന്
തൊട്ടുമുമ്പിലത്തെ
ക്രിസ്തുവിന്റെ അതേ മുഖം!
നിശ്ശൂന്യമായ മനംപോലെ
അലയില്ലാത്ത ബസലിക്ക!
കൂട്ടിനു കള്ളന്മാർ പോലുമില്ലാത്ത
കഠിനമായ ഏകാന്തത!
മുട്ടുകുത്തി പ്രാർത്ഥിക്കുന്ന
കുരിശുകൾ അയാൾ കണ്ടുവോ,
കയറാനോ ഇറങ്ങാനോ
കഴിയാത്ത ഗാഗുൽത്ത!
തെറ്റിയ കുരിശിന്റെ വഴി!
അഴിഞ്ഞഴിഞ്ഞു പോകുന്ന
'അവന്റെ' ഹിതങ്ങൾ!
അഞ്ചപ്പവും നഷ്ടപ്പെട്ടലയുന്ന
ദൈവപുത്രനെ,
വഴിതെറ്റിയ മൂന്നു നക്ഷത്രങ്ങളെ!
ഒടുവിലൊ;ടുവിലയാൾ
കാറ്റിലും കോളിലും പെട്ട
അവസാന പെട്ടകത്തെ...!
ദൈവമേ... ദൈവമേ,
നീയും കൈവിടുന്നോ
നിന്റെ സൽപ്പുത്രരെ...!
