മമതയുടേത് ക്രൂരത; നാട്ടിലെത്താൻ കൊതിക്കുന്ന തൊഴിലാളികളെ സ്വീകരിക്കണമെന്ന് അമിത് ഷാ

കുടിയേറ്റ തൊഴിലാളികളെ പശ്ചിമ ബംഗാളിലേക്ക് എത്തിക്കാൻ അനുമതി നൽകാത്ത നടപടിയിൽ രൂക്ഷ വിമർശനം ഉന്നയിച്ച് ആഭ്യന്തര മന്ത്രി അമിത് ഷാ മുഖ്യമന്ത്രി മമത ബാനർജിക്ക് കത്തയച്ചു. മറ്റ് സംസ്ഥാനങ്ങളിൽ കുടുങ്ങിയ തൊഴിലാളികളെ ബംഗാളിലെത്തിക്കാനുള്ള കേന്ദ്രത്തിന്‍റെ നടപടിയോട് മുഖ്യമന്ത്രി സഹകരിക്കുന്നില്ലെന്നാണ് അമിത് ഷായുടെ പരാതി. 'തൊഴിലാളി‍കൾക്കായി ഏർപ്പെടുത്തിയ ശ്രമിക് ട്രെയിനുകൾ സംസ്ഥാനത്ത് എത്താൻ ബംഗാൾ അനുമതി നൽകുന്നില്ല. നാട്ടിലെത്താൻ കൊതിക്കുന്ന തൊഴിലാളികളോട് അങ്ങേയറ്റം ക്രൂരതയാണ് ബംഗാൾ സർക്കാർ കാണിക്കുന്നത്' - അദ്ദേഹം കത്തിലൂടെ ആരോപിക്കുന്നു.

ഇതുവരെ രണ്ട് ലക്ഷത്തോളം തൊഴിലാളികളെയാണ് കേന്ദ്രസർക്കാർ അവരവരുടെ നാടുകളിലെത്തിച്ചത്. കേന്ദ്രസർക്കാറിനോടുള്ള നിസ്സഹകരണം മൂലം സ്വന്തം നാട്ടിലെത്താൻ കഴിയാത്ത ബംഗാളികളുടെ ബുദ്ധിമുട്ട് മമത കണക്കിലെടുക്കണമെന്നും അമിത് ഷാ കുറ്റപ്പെടുത്തി. കൊറോണ വൈറസ് മഹാമാരിയുമായി ബന്ധപ്പെട്ട കണക്കുകളെ ചൊല്ലിയും നടപടികൾ സംബന്ധിച്ചുള്ള വിവരങ്ങൾ ആരാഞ്ഞുകൊണ്ട് കേന്ദ്രവും പശ്ചിമ ബംഗാൾ സർക്കാരും തമ്മിൽ തർക്കം രൂക്ഷമാകുന്നതിനിടെയാണ് അമിത് ഷാ മമതാ ബാനർജിക്ക് കത്തയച്ചിരിക്കുന്നത്. .

കോവിഡ് ലക്ഷണങ്ങളില്ലാത്ത തൊഴിലാളികളെ രാജസ്ഥാനിൽ നിന്നും ബംഗാളിലെത്തിക്കാൻ ട്രെയിൻ സർവീസ് നടത്തുമെന്ന് കേന്ദ്ര സര്‍ക്കാര്‍ പ്രഖ്യാപിച്ചതിനു തൊട്ടു പിറകെ, കേരളത്തിൽ നിന്നുള്ള തൊഴിലാളികളെ ബംഗാളിലെത്തിക്കുമെന്ന് മമത ബാനർജി ട്വിറ്ററിലൂടെ അറിയിച്ചു. അതിനു ശേഷമാണ് അമിത് ഷാ കത്തയച്ചത്. ഇതോടെ കേന്ദ്രവും മമതയും തമ്മിലുള്ള ചേരിപ്പോര് കൂടുതല്‍ രൂക്ഷമായിരിക്കുകയാണ്.

Contact the author

News Desk

Recent Posts

National Desk 9 hours ago
National

ഇഡി ഇനിയും വരും, പിറകെ മോദിയും ഷായും വരും, എല്ലാം എന്റെ വോട്ടുവിഹിതം കൂട്ടും- മഹുവ മൊയ്ത്ര

More
More
National Desk 10 hours ago
National

'1700 കോടി രൂപ പിഴയടയ്ക്കണം'; കോൺഗ്രസിന് ആദായനികുതി വകുപ്പിന്റെ നോട്ടീസ്

More
More
National Desk 1 day ago
National

ബട്ടര്‍ ചിക്കനെ ചൊല്ലിയുളള നിയമയുദ്ധം തുടരുന്നു; ഡല്‍ഹി ഹൈക്കോടതിയില്‍ പുതിയ ഹര്‍ജി

More
More
National Desk 1 day ago
National

മണിപ്പൂരില്‍ ഈസ്റ്ററിന് അവധിയില്ല; സർക്കാർ ഓഫീസുകൾ പ്രവർത്തിക്കണമെന്ന് ഉത്തരവ്

More
More
National Desk 1 day ago
National

സീറ്റ് ലഭിക്കാത്ത മനോവിഷമത്തിൽ ആത്മഹത്യക്ക് ശ്രമിച്ച ഈറോഡ് എംപി അന്തരിച്ചു

More
More
National Desk 1 day ago
National

1996-ലെ മയക്കുമരുന്ന് കേസ്; സഞ്ജീവ് ഭട്ട് കുറ്റക്കാരനാണെന്ന് കോടതി

More
More