കേരളത്തിലേക്കുള്ള ബസ് ലോറിയുമായി കൂട്ടിയിടിച്ചു; 3 പേർക്ക് ​ഗുരുതര പരുക്ക്

ബാം​ഗ്ലൂരിൽ നിന്ന് കേരളത്തിലേക്ക് പുറപ്പെട്ട മിനിബസ് അപകടത്തിൽപ്പെട്ടു. ബസ് ലോറിയിലിടച്ചാണ് അപകടംമുണ്ടായത്. തമിഴ്നാട്ടിലെ കരൂർ ഹൈവേയിലാണ് അപകടമുണ്ടായത്. ഡ്രൈവർ ഉൾപ്പെടെ 3 പേരുടെ നില​ഗുരതരമാണ്. മറ്റുള്ളവരുടെ പരുക്ക് ​ഗുരുതരമല്ല. ബസിൽ 24 പേരാണ് ഉണ്ടായിരുന്നത്. ഇവരിൽ ഭൂരിഭാ​ഗവും നഴ്സിം​ഗ് വിദ്യാർത്ഥികളാണ്.  ഐ ടി സ്ഥാപനങ്ങളിലെ ഏതാനും ജോലിക്കാരും ഉണ്ട്. കോട്ടയം ഇടുക്കി ജില്ലക്കാരാണ് ബസിൽ ഉണ്ടായിരുന്നത്. ഇടറോഡിൽ നിന്ന് ലോറി റോഡിലേക്ക് കയറിവന്നതിനെ തുടർന്നാണ് അപകടം ഉണ്ടായത്. പരുക്കേറ്റവരെ സമീപത്തെ സ്വകാര്യ, സർക്കാർ ആശുപത്രിയിലാണ് പ്രവേശിപ്പിച്ചിട്ടുള്ളത്. ഇന്ന് കേരളത്തിലേക്ക് കടക്കാനുള്ള പാസ് ഇവർക്ക് കിട്ടിയിരുന്നു.