പൊതുഗതാഗത സംവിധാനം പുനരാരംഭിക്കുമ്പോൾ ബസ് ചാർജ് മിനിമം 20 രൂപയാക്കമമെന്ന് ബസ് ഉടമകൾ. കിലോമീറ്ററിന് 68 പൈസയുള്ളത് 2 രൂപയാക്കണമെന്നും ആവശ്യം ഉന്നയിച്ചിട്ടുണ്ട്. സമൂഹ്യ അകലം പാലിച്ച് യാത്രക്കാരെ ബസിൽ കയറ്റുമ്പോൾ ഉണ്ടാകുന്ന നഷ്ടം നികത്തുന്നതിനുള്ള നിർദ്ദേശങ്ങളാണ് ബസ് ഉടമകൾ സർക്കാറിന് മുന്നിൽ വെച്ചിട്ടുള്ളത്.സാമൂഹ്യ അകലം പാലിച്ച് ഒരു ബസിൽ 25 യാത്രക്കാരെ മാത്രം അനുവദിക്കാനാണ് സർക്കാർ ആലോചിക്കുന്നത്.
വിദ്യാർത്ഥികൾക്ക് ചാർജിൽ ഇളവ് നൽകരുതെന്നും എല്ലാ സൗജന്യയാത്രകളും ഒഴിവാക്കണമെന്നും ബസ് ഉടമകൾ സർക്കാറിനോട് ആവശ്യപ്പെട്ടിട്ടുണ്ട്. ഡീസലിന്റെ നികുതി ഒഴിവാക്കുക അല്ലെങ്കിൽ സബ്സിഡി ഒഴിവാക്കുക എന്നീ നിർദ്ദേശങ്ങളും മുന്നോട്ട് വെച്ചിട്ടുണ്ട്. തുടർന്നും റോഡ് ടാക്സ് ഇളവ് അനുവദിക്കണമെന്നും അവശ്യപ്പെട്ടിട്ടുണ്ട്. ഇൻഷൂറൻസ് ഇളവ് അനുവദിക്കാൻ സർക്കാർ ഇടപെടണമെന്നും ഉടമകളുടെ സംഘടന ആവശ്യപ്പെട്ടു. കേന്ദ്ര സർക്കാർ പ്രഖ്യാപിച്ച പാക്കേജിൽ ബസ് ഉടകമളെ ഉൾപ്പെടുത്തി ഈടില്ലാത്ത, പലിശ രഹിത വായ്പ അനുവദിക്കണമെന്ന ആവശ്യവും ഇവർ ഉന്നയിച്ചിട്ടുണ്ട്.
