അന്താരാഷ്ട്ര ടൂർണമെന്റുകളേക്കാൾ ആഭ്യന്തര മത്സരങ്ങളിലാണ് കൂടുതൽ ശ്രദ്ധ കേന്ദ്രീകരിക്കേണ്ടതെന്ന് ഇന്ത്യൻ പുരുഷ ക്രിക്കറ്റ് ടീം കോച്ച് രവി ശാസ്ത്രി. 'ഞാൻ ഇപ്പോൾ ലോക ക്രിക്കറ്റ് മത്സരങ്ങള്‍ക്ക് വളരെയധികം പ്രാധാന്യം നൽകില്ല. വീട്ടിൽ തന്നെ തുടരുക, ആഭ്യന്തര ക്രിക്കറ്റ് സാധാരണ നിലയിലാണെന്ന് ഉറപ്പാക്കുക. എല്ലാവരും കളിക്കളത്തിൽ തിരിച്ചെത്തുക എന്നതാണ് പ്രധാനം' എന്ന് 'ടൈംസ് ഓഫ് ഇന്ത്യ'ക്ക് നല്‍കിയ അഭിമുഖത്തില്‍ ആദ്ദേഹം അഭിപ്രായപ്പെട്ടു.
ഒരു ലോക ഇവന്റുമായി താരതമ്യപ്പെടുത്തുമ്പോൾ ആഭ്യന്തര തലത്തിലുള്ള ടൂർണമെന്റോ ഉഭയകക്ഷി പരമ്പരയോ കളിക്കുന്നതിന് പ്രത്യേകിച്ച് പ്രശ്‌നങ്ങളില്ലെന്ന് ശാസ്ത്രി കരുതുന്നു. ആ അർത്ഥത്തിൽ, ഇന്ത്യക്ക് നഷ്ടമായത് ആഭ്യന്തര ക്രിക്കറ്റാണ് എന്ന് ഐ.പി.എല്ലിനെ ഉദാഹരിച്ചുകൊണ്ട് അദ്ദേഹം പറഞ്ഞു. 'ക്രിക്കറ്റ് പുനരാരംഭിക്കുമ്പോൾ, നമുക്ക് ഐ‌പി‌എല്ലിന് മുൻ‌ഗണന നൽകാം. ഒരു അന്താരാഷ്ട്ര ടൂർണമെന്റും ഐ‌പി‌എല്ലും തമ്മിലുള്ള വ്യത്യാസം, ഐ‌പി‌എൽ ഒന്നോ രണ്ടോ നഗരങ്ങൾക്കിടയിൽ മാത്രം നടക്കുന്നതാണ്'- എന്നും അദ്ദേഹം പറഞ്ഞു.
