കോഴിക്കോട് ഈങ്ങാപ്പുഴയിലുള്ള സ്വകാര്യ ആശുപത്രിയിലെ ഗൈനക്കോളജി ഡോക്ടർക്ക് കോവിഡ് സ്ഥിരീകരിച്ചു. കർണാടക സ്വദേശിനിയാണ്. കർണാടകയിലേക്ക് തിരികെ പോയി 13ാം ദിവസം വൈറസ് ബാധ സ്ഥിരീകരിക്കുകയായിരുന്നു. ഇതോടെ ഇവര്‍ ജോലി ചെയ്യുന്ന ക്ലിനിക്കിലെ ആറ് ജീവനക്കാരെയും പരിശോധിച്ച അഞ്ച് ഗര്‍ഭിണികളെയും നിരീക്ഷണത്തിലാക്കി. ഈങ്ങാപ്പുഴയില്‍ മിസ്റ്റ് ഹില്‍ എന്ന പേരിലാണ് ഇവര്‍ ക്ലിനിക് നടത്തിയത്. ഇവരുടെ ഭര്‍ത്താവും ഡോക്ടറാണ്.
നിരീക്ഷണത്തില്‍ ഉള്ളവരുമായി സമ്പർക്കം പുലർത്തിയവരെ കണ്ടെത്താനുള്ള ശ്രമം തുടരുകയാണ്. പതിനാല് ദിവസം പൂര്‍ത്തിയാക്കുന്നതിന് മുമ്പ് നടത്തിയ പരിശോധനാ ഫലം പോസിറ്റീവായതോടെ രോഗം പടര്‍ന്നത് കേരളത്തില്‍ നിന്നാകാനുള്ള സാധ്യത പരിഗണിച്ച് അതീവജാഗ്രത പുലര്‍ത്താനാണ് ജില്ലാ ഭരണകൂടത്തിന്റെ തീരുമാനം.
