പൗരത്വ സമരവുമായി ബന്ധപ്പെട്ട് ജാമിയ മിലിയ സർവകലാശാലയിലെ വിദ്യാർത്ഥികളുടെ അറസ്റ്റ് തുടരുന്നു. പൗരത്വ സമരത്തിന്റെ നേതൃനിരയിലുണ്ടായിരുന്ന ജാമിഅ കോഓഡിനേഷന് കമ്മിറ്റി അംഗവും ഡല്ഹിയില എസ്.ഐ.ഒ നേതാവുമായ ആസിഫ് ഇഖ്ബാല് തൻഹയെയാണ് ഡൽഹി പൊലീസ് സ്പെഷ്യൽ സെൽ അറസ്റ്റ് ചെയ്തത്. കലാപ കേസുകളിൽ അറസ്റ്റിലാകുന്ന മൂന്നാമത്തെ ജാമിയ വിദ്യാർത്ഥിയാണ് ആസിഫ്.
നിയമ വിരുദ്ധമായ പ്രവർത്തനങ്ങളിലേർപ്പെടുന്നത് തടയൽ നിയമമനുസരിച്ചാണ് ആസിഫ് തൻഹക്കെതിരെയുള്ള നടപടി. പൊലീസ് നേരത്തേ ചോദ്യംചെയ്തു വിട്ടയച്ച ജാമിഅയിലെ വിദ്യാര്ഥി നേതാവാണ് അദ്ദേഹം. തൻഹക്ക് പുറമെ ചാന്ദ് ബാഗിൽ നിന്ന് ശദബ് എന്നയാളെയും സ്പെഷ്യൽ സെൽ അറസ്റ്റ് ചെയ്തിട്ടുണ്ട്. ജാമിഅ സമര സമിതിയില് ആസിഫിനൊപ്പം ഉണ്ടായിരുന്ന ഗവേഷക വിദ്യാര്ഥി സഫൂറ സര്ഗാറിനെയും പൂര്വ വിദ്യാര്ഥി ശഫീഉര്റഹ്മാനെയും അറസ്റ്റ് ചെയ്ത് യു.എ.പി.എ ചുമത്തി തിഹാര് ജയിലില് അടച്ചിരിക്കുകയാണ്.
ജാമിയ കോർഡിനേഷൻ കമ്മിറ്റി അംഗമായ ആസിഫ് ഇഖ്ബാൽ കലാപത്തിന് ഗൂഢാലോചന നടത്തിയെന്നാണ് ആരോപണം. പൗരത്വ നിയമ ഭേദഗതിക്കെതിരെയുള്ള സമരങ്ങൾ സംഘടിപ്പിച്ചതിലും കലാപത്തിലും പങ്കുണ്ടെന്നും ഇയാളുടെ മൊബൈലിൽ നിന്ന് ചില രേഖകൾ കണ്ടെത്തിയതായും പൊലീസ് പറയുന്നു.