ഡല്ഹി: നാലു ഘട്ടങ്ങളിലായി നടത്തിയ ലോക്ക് ഡൌണുകളും പരിപൂര്ണ്ണമായി പരാജയപ്പെട്ടിരിക്കുന്ന സാഹചര്യത്തില് എന്താണ് കേന്ദ്ര സര്ക്കാരിന്റെ കയ്യിലുള്ള പ്ലാന് ബി എന്ന് പ്രധാനമന്ത്രി വ്യക്തമാക്കണമെന്ന് രാഹുല്ഗാന്ധി ആവശ്യപ്പെട്ടു. രാജ്യത്ത് കൊവിഡ്-19 രോഗികളുടെ എണ്ണം ക്രമാതീതമായി കൂടിക്കൊണ്ടിരിക്കുകയാണ്. ഈ ഘട്ടത്തില് ലോക്ക് ഡൌണ് പിന്വലിക്കുന്ന ലോകത്തെ ഏക രാജ്യമാണ് ഇന്ത്യയെന്നും രാഹുല്ഗാന്ധി പറഞ്ഞു. മാധ്യമ പ്രവര്ത്തകരുമായി നടത്തിയ വീഡിയോ കോണ്ഫറന്സില് സംസാരിക്കുകയായിരുന്നു രാഹുല്.
കോണ്ഗ്രസ്സ് ഭരിക്കുന്ന സംസ്ഥാനങ്ങളില് ജനങ്ങള്ക്ക് നേരിട്ട് പണം എത്തിക്കുകയാണ്. എന്നാല് കേന്ദ്ര സര്ക്കാര് ഒന്നും നല്കുന്നില്ല. കുടിയേറ്റ തൊഴിലാളികള്, നാമമാത്ര സംരംഭകര്, കര്ഷകര്, രോഗ വ്യാപനം എന്നീ കാര്യങ്ങളിലൊക്കെ കേന്ദ്ര സര്ക്കാര് എന്താണ് ച്ന്തിക്കുന്നത് എന്ന് വ്യക്തമാക്കാന് തയാറാകണം. ലോക്ക് ഡൌണ് അതിന്റെ ലക്ഷ്യങ്ങള് കൈവരിച്ചില്ല. പ്രധാനമന്ത്രിയുടെ അവകാശവാദങ്ങള് പരാജയപ്പെട്ടു. ഇനിയെന്താണ് ചെയ്യാന് പോകുന്നത് എന്നാ കാര്യം സുതാര്യമായി പറയാന് സര്ക്കാര് തയാറാകണം - രാഹുല്ഗാന്ധി ആവശ്യപ്പെട്ടു.