മഞ്ചേരി മെഡിക്കൽ കോളജിൽ കൊവിഡ് സ്രവ പരിശോധനക്ക് എത്തിച്ച രണ്ടു തടവു പ്രതികൾ രക്ഷപ്പെട്ടു. മലപ്പുറം വാഴക്കാട് പോക്സോ കേസിലെ പ്രതി മെഹബൂബ്, ബൈക്ക് മോഷണക്കേസിലെ പ്രതി റംഷാദ് എന്നിവരാണ് രക്ഷപ്പെട്ടത്. ഇരുവർക്കുമായി പൊലീസ് തെരച്ചിൽ ഊർജിതമാക്കി.
കൊവിഡ് പരിശോധനക്ക് എത്തിക്കുന്ന പ്രതികൾക്ക് വേണ്ടി പ്രത്യേക വാർഡും പൊലീസ് കാവലുമുണ്ട്. എന്നിട്ടും പ്രതികള് രക്ഷപ്പെട്ടത് ഗുരുതര വീഴ്ചയായി ചൂണ്ടിക്കാട്ടപ്പെടുന്നു. തടവുപുള്ളികളിൽ കോവിഡ് സ്ഥിരീകരിക്കുന്ന പശ്ചാത്തലത്തിൽ ഇവരെ റിമാൻഡ് ചെയ്യുന്നതിന് മുന്നോടിയായി പരിശോധനക്ക് വിധേയമാക്കുന്നുണ്ട്. ഇതിന്റെ ഭാഗമായാണ് പ്രതികളെ ആശുപത്രിയിലെത്തിച്ചത്.