തിരുവനന്തപുരം: സംസ്ഥാനത്ത് മധ്യകേരളത്തിലെ മൂന്നു ജില്ലകളില്‍ ഇന്ന് യെല്ലോ അലര്‍ട്ട് പ്രഖ്യാപിച്ചു. വെള്ളിയാഴ്ച വരെ സംസ്ഥാനത്ത് കനത്ത മഴ തുടരുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പിനെ തുടര്‍ന്നാണിത്. ഇന്ന് (ചൊവ്വ) ആലപ്പുഴ, എറണാകുളം, ഇടുക്കി എന്നീ ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. നാളെ (ബുധന്‍) കോട്ടയം, ഏറണാകുളം, ഇടുക്കി ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. ഈ മൂന്നു ജില്ലകളിലും ഒറ്റപ്പെട്ട കനത്ത മഴയ്ക്കുള്ള സാധ്യത കാലാവസ്ഥാ നിരീക്ഷണകേന്ദ്രം മുന്നറിയിപ്പായി നല്‍കിയിട്ടുണ്ട്.
കുളച്ചല്‍, ധനുഷ്കോടി തീരത്ത് മൂന്നര മീറ്റര്‍ വേറെ ഉയരത്തില്‍ തിരമാലകള്‍ ഉയരാന്‍ സാധ്യതയുണ്ടെന്ന് കാലാവസ്ഥാ കേന്ദ്രം അറിയിച്ചു. എന്നാല്‍ മലബാര്‍ മലപ്പുറം, കോഴിക്കോട് ജില്ലകളില്‍ ഇന്നലെ പൊതുവില്‍ കാലവര്‍ഷം ദുര്‍ബ്ബലമായിരുന്നു.
