ഹ്രസ്വ സന്ദർശനത്തിനായി കേരളത്തിലെത്തുന്നവർക്ക് സംസ്ഥാന സർക്കാർ പുതിയ മാർഗനിർദേശം പുറത്തിറക്കി. ബിസിനസ് ആവശ്യങ്ങൾക്കും ചികിത്സക്കും പരീക്ഷകൾക്കും വരുന്നവർക്കാണ് ഇളവ് പ്രഖ്യാപിച്ചിരിക്കുന്നത്. ഇവർക്ക് പരമാവധി ഏഴ് ദിവസം വരെ സംസ്ഥാനത്ത് താമസിക്കാം.
ഏഴ് ദിവസത്തില് കൂടുതല് സംസ്ഥാനത്ത് താമസിക്കരുതെന്നും കൂടുതല് ദിവസം തങ്ങിയാല് ബന്ധപ്പെട്ടവര്ക്കെതിരേ കേസെടുക്കുമെന്നും പുതിയ ഉത്തരവില് പറയുന്നു. കൂടുതല് ദിവസം തങ്ങിയാല് ബന്ധപ്പെട്ട സ്ഥാപനത്തിനെതിരെയാകും കേസെടുക്കുക.
പരീക്ഷ എഴുതുന്നവര് മറ്റൊരു സ്ഥലത്തേക്കും പോവുകയും ചെയ്യരുത്. പരീക്ഷാത്തീയതിയുടെ മൂന്ന് ദിവസം മുമ്പ് വരെ കേരളത്തിലേക്ക് വരാം. പരീക്ഷാത്തീയതി കഴിഞ്ഞ് മൂന്ന് ദിവസത്തില് കൂടുതല് സംസ്ഥാനത്ത് താമസിക്കാനും പാടില്ല.