കഴിഞ്ഞ ദിവസം അന്തരിച്ച ബോളിവുഡ് നടന് സുശാന്ത് സിങ് രജ്പുതിന്റെ കുടുംബത്തില് മറ്റൊരാള്കൂടി മരണപ്പെട്ടു. നടന്റെ വിയോഗം താങ്ങാനാവാതെ സഹോദരന്റെ (കസിന് ബ്രദര്) ഭാര്യയാണ്മരണപ്പെട്ടത്. സുശാന്തിന്റെ മരണത്തെ തുടര്ന്ന് സുധാദേവി കടുത്ത മാനസിക പ്രയാസത്തിലായിരുന്നെന്നാണ് റിപ്പോര്ട്ട്.
സുശാന്തിന്റെ അന്ത്യകര്മ്മങ്ങള് മുംബൈയില് പുരോഗമിക്കുമ്പോഴായിരുന്നു സുധയുടെ മരണം. നടന്റെ മരണമുണ്ടാക്കിയ ഞെട്ടലില്നിന്ന് തങ്ങള് ഇതുവരെ മുക്തരായിട്ടില്ലെന്ന് നാട്ടുകാരും ബന്ധുക്കളും പറയുന്നു. മുംബൈയിലെ പവന് ഹാന്സ് ശ്മശാനത്തില് തിങ്കളാഴ്ച വൈകുന്നേരമായിരുന്നു സുശാന്തിന്റെ ശവസംസ്കാര ചടങ്ങുകള്. കനത്ത മഴയ്ക്കിടയിലും പ്രിയപ്പെട്ട നടനെ യാത്രക്കാന് നിരവധി പേര് എത്തിച്ചേര്ന്നു.
ബോളിവുഡ് താരങ്ങളായ കൃതി സനോണ്, ശ്രദ്ധ കപൂര്, വിവേക് ഒബ്റോയ്, രണ്വീര് ഷൂരി, വരുണ് ശര്മ എന്നിവര് സംസ്കാര ചടങ്ങുകളില് പങ്കെടുക്കാന് എത്തിയിരുന്നു.