കൊവിഡ്-19 മൂലം കഴിഞ്ഞ 24 മണിക്കൂറിനകം 6873 പേരാണ് ലോകത്താകെ മരണപ്പെട്ടത്. കഴിഞ്ഞ മൂന്നുദിവസങ്ങളിലായി 3639, 3,246, 3952 വീതം പേരാണ് മരണമടഞ്ഞത്. ശനി, വെള്ളി, ദിവസങ്ങളിലെ നിരക്കുകള് യഥാക്രമം 4008, 5200 എന്നിങ്ങനെയായിരുന്നു. അതിനു മുന്പുള്ള നാലു ദിവസങ്ങളിലെ പ്രതിദിന മരണനിരക്കിലെ (ശരാശരി) 3786 ആയിരുന്നു. എന്നാല് മേല് സൂചിപ്പിച്ച ദിവസങ്ങളേക്കാള് കൂടിയ നിരക്കാണ് കഴിഞ്ഞ 24 മണിക്കൂറിനുള്ളില് ലോകത്താകെ രേഖപ്പെടുത്തിയത്. കൊവിഡ് -19 പ്രതിദിന ഡാറ്റ ഏറ്റക്കുറച്ചിലുകള് പതിവായതിനാല് ഒരു ദിവസത്തെ ഡാറ്റ, വിശകലനത്തിനുള്ള സൂചനയായി എടുക്കാന് കഴിയില്ല. ഏറ്റവും പുതിയ കണക്കനുസരിച്ച് ലോകത്ത് ഇതുവരെ മരണപ്പെട്ടവരുടെ എണ്ണം 4,45,958 ആയി.
പൊതുവില് ലോകത്ത് കൊവിഡ്-19 മരണനിരക്ക് കുറയുകയാണ്. അതേസമയം രോഗികളുടെ എണ്ണം വലിയതോതില് കൂടുകയാണ്. കഴിഞ്ഞ 24 മണിക്കൂറിനുള്ളില് 1,43,026 പേര്ക്കാണ് രോഗം സ്ഥിരീകരിച്ചിരിക്കുന്നത്.
ഇന്നലെയും തൊട്ടു മുന്ദിവസവും യഥാക്രമം 1,25,064,1,27,885, 1,27,782,1,15,888, 1,58,414 പേര്ക്ക് വീതമാണ് രോഗം സ്ഥിരീകരിച്ചിരുന്നത്. കഴിഞ്ഞ അഞ്ച് ദിവസങ്ങളിലായി പുതിയ രോഗികളുടെ പ്രതിദിന നിരക്കില് വന് വര്ദ്ധനവാണ് രേഖപ്പെടുത്തിക്കൊണ്ടിരിക്കുന്നത്.
ഏറ്റവും പുതിയ കണക്കനുസരിച്ച് 82,56,702 പേര്ക്കാണ് ലോകത്താകെ രോഗം സ്ഥിരീകരിച്ചിരിക്കുന്നത്. 54,595 പേരാണ് നിലവില് കൊവിഡ്-19 ബാധിച്ച് അതീവഗുരുതരാവസ്ഥയില് കഴിയുന്നത്.43,06,420 പേര് ഇതിനകം രോഗവിമുക്തരായി. 35,04,324 പേര് നിലവില് ചികിത്സയിലാണ്. കൊവിഡ് -19 എന്ന മഹാമാരി ഒരു മരണഹേതു ആകുന്നതില് നിന്ന് തടയാനുള്ള ആരോഗ്യ പ്രവര്ത്തകരുടെയും ലോക രാഷ്ട്രങ്ങളുടെയും നിരന്തര പ്രവര്ത്തങ്ങള് ഫലം കാണുന്നതിന്റെ ലക്ഷണമാണ് മരണനിരക്കിലെ കുറവ്.