വാഷിംഗ്‌ടണ്‍: ഇന്ത്യ-ചൈന സംഘര്‍ഷം അത്യന്തം സങ്കീര്‍ണ്ണമായ വിഷയമാണെന്നും അത് പരിഹരിക്കാനാണ് ശ്രമമെന്നും യു.എസ് പ്രസിഡന്‍റ് ഡോണാള്‍ഡ് ട്രംപ് പറഞ്ഞു. ഇരു രാജ്യങ്ങളുമായും സംസാരിച്ചു വരികയാണെന്നും ട്രംപ് മാധ്യമ പ്രവര്‍ത്തകരോട് വ്യക്തമാക്കി.
സാഹചര്യങ്ങള്‍ അമേരിക്ക വിലയിരുത്തി വരികയാണ്, എന്താണ് സംഭവിക്കുന്നത് എന്ന് നോക്കാം. ഏതായാലും അവരെ സഹായിക്കാന്‍ തന്നെയാണ് ശ്രമമെന്നും ഡോണാള്‍ഡ് ട്രംപ് വ്യക്തമാക്കി. ട്രംപിന്റെ തെരഞ്ഞെടുപ്പ് പ്രചാരണ പരിപാടികള്‍ ഇടവേളക്ക് ശേഷം ഒക്കലഹാമയില്‍ വീണ്ടും ആരംഭിച്ചു.
ഇന്ത്യ- ചൈന സംഘര്‍ഷം ആരംഭിച്ചയുടനെത്തന്നെ ചൈനയെ കുറ്റപ്പെടുത്തിക്കൊണ്ട് അമേരിക്കന്‍ പ്രസിഡന്‍റ് രംഗത്തുവന്നിരുന്നു. സംഘര്‍ഷത്തെ കുറിച്ച് യു.എസ് പ്രസിഡന്‍റ് ബോധവാനാണെന്നും അതിര്‍ത്തിയിലെ കാര്യങ്ങള്‍ നിരീക്ഷിച്ചു വരികയാണെന്നും വൈറ്റ് ഹൌസ് വൃത്തങ്ങള്‍ വ്യക്തമാക്കിയിട്ടുണ്ട്.
