വാഷിംഗ്ടണ്: അമരിക്കയില് കഴിഞ്ഞ 24 മണിക്കൂറിനുള്ളില് 865 പേരാണ് കൊവിഡ് -19 മൂലം മരണമടഞ്ഞത്. കഴിഞ്ഞ രണ്ടു ദിവസങ്ങളെ അപേക്ഷിച്ച് വളരെ കൂടിയ നിരക്കാണിത്. കഴിഞ്ഞ ഒരാഴ്ചയായി 363, 267, 573,1466, 809, 849, 711-പേര് വീതമാണ് കൊവിഡ് -19 മൂലം മരണമടഞ്ഞത്. ഏറ്റവും പുതിയ കണക്കനുസരിച്ച് മരണപ്പെട്ടവരുടെ എണ്ണം 1,23,475 ആയി.
കഴിഞ്ഞ 24 മണിക്കൂറിനുള്ളില് സ്ഥിരീകരിക്കപ്പെട്ട പുതിയ രോഗികളുടെ എണ്ണം 36,265 ആണ്. കഴിഞ്ഞ നാലു ദിവസങ്ങളിലെ നിരക്ക് 31,496, 59,467, 33,388, 62,715 എന്നിങ്ങനെയാണ്. ലോകത്തെല്ലായിടത്തും കാണുന്നതുപോലെ മരണ സംഖ്യ കുറയുകയും രോഗീ സംഖ്യ കൂടുകയും ചെയ്യുന്ന പ്രതിഭാസമാണ് അമേരിക്കയിലും കാണുന്നത്. ഏറ്റവും പുതിയ കണക്കനുസരിച്ച് രാജ്യത്ത് ആകെ രോഗം സ്ഥിരീകരിച്ചവരുടെ എണ്ണം 24,24,418 ആയി. ഇതില് 10,20,403 പേര് സുഖം പ്രാപിച്ചു.
സംസ്ഥാനം തിരിച്ചുള്ള മരണ - രോഗീ നിരക്ക്
രാജ്യത്ത് ഏറ്റവും കൂടുതല് മരണം റിപ്പോര്ട്ട് ചെയ്യപ്പെട്ട ന്യൂയോര്ക്കില് ഇതുവരെ മരണപ്പെട്ടവരുടെ എണ്ണം 31,314 ആയി. 4,12,636 പേര്ക്കാണ് ഇതുവരെ രോഗം സ്ഥിരീകരിച്ചിരിക്കുന്നത്. 13,081 പേര് മരണമടഞ്ഞ ന്യൂ ജെഴ്സിയാണ് മരണ - രോഗീ നിരക്കില് തൊട്ടുപിറകില് നില്ക്കുന്നത്. ഇവിടെ ഇതുവരെ 1,72,960 പേര്ക്ക് രോഗം സ്ഥിരീകരിച്ചിട്ടുണ്ട്. 5,635 പേര് മരണമടഞ്ഞ കാലിഫോര്ണിയയില് 1,90,848 പേര്ക്ക് രോഗം സ്ഥിരീകരിച്ചിട്ടുണ്ട്. 68, 197 പേര്ക്ക് രോഗം സ്ഥിരീകരിച്ച മിഷിഗണില് 6,109 പേര് മരണപ്പെട്ടു. ഫ്ലോറിഡ -3,240 , മസ്സാച്ചുസെറ്റ്സ് 7,890, ലൂസിയാന -3,142, ഇല്ലിനോയിസ് -6,707, ജോര്ജ്ജിയ -2,648 എന്നിങ്ങനെയാണ് ഏറ്റവും പുതിയ മരണ നിരക്ക്. തലസ്ഥാനമായ വാഷിംഗ്ടണില് ഇതുവരെ 1,285 പേരാണ് മരണപ്പെട്ടത്.