കോറോണ വൈറസ് വ്യാപനം അടുത്തൊന്നും അവസാനിക്കന് പോകുന്നില്ലെന്ന് ലോകാരോഗ്യ സംഘടനാ ചീഫ് ടെഡ്രോസ് അദാനോം ഗെബ്രിയേസസ്. ആറുമാസത്തിനു മുന്പാണ് ചൈനയില് കൊവിഡ് എന്ന പുതിയ മഹാമാരി പടര്ന്നു പിടിക്കുന്നതായി ചൈന ലോകാരോഗ്യ സംഘടനയെ അറിയികുന്നത്.
'ഒരുപാടാളുകള് രോഗബാധിതരായി തുടരുന്നു, വൈറസിന് ഇനിയും ധാരാളം ഇടം നീങ്ങാനുണ്ട് 'ഇത് അവസാനിക്കണമെന്ന് നാമെല്ലാവരും ആഗ്രഹിക്കുന്നുണ്ട്, നമുക്കെല്ലാവര്ക്കും നമ്മുടെ ജീവിതവുമായി മുന്നോട്ട് പോകേണ്ടതുണ്ട് എന്നാല് ഇതിപ്പോഴൊന്നും അവസാനിക്കാന് പോകുന്നില്ല എന്നതാണ് യാഥാര്ത്ഥ്യം. ആഗോളതലത്തില് പല രാജ്യങ്ങളും ചെറിയ പുരോഗതി കൈവരിച്ചിട്ടുണ്ടെങ്കിലും, പകര്ച്ച വ്യാധി യഥാര്ത്ഥത്തില് വേഗത്തിലാകുകയാണെന്നും അദ്ദേഹം തിങ്കളാഴ്ച്ച നടന്ന ബ്രീഫിങ്ങില് പറഞ്ഞു.
അണുബാധ തടയുന്നതിന് സുരക്ഷിതവും ഫലപ്രദവുമായ വാക്സിന് കണ്ടെത്തുന്നതില് പുരോഗതി കൈവരിച്ചിട്ടുണ്ടെങ്കിലും ആ ശ്രമം വിജയിക്കുമെന്ന് ഉറപ്പില്ലെന്ന് ലോകാരോഗ്യസംഘടനയുടെ എമര്ജന്സി പ്രോഗാം ഹെഡ് മൈക്ക് റയാന് ചര്ച്ചയില് പറഞ്ഞു. എന്നാല് പരിശോധന, സ്ഥിരീകരിച്ച കേസുകള് ഒറ്റപ്പെടുത്തല്, അവരുടെ കോണ്ടാക്റ്റുകള് ട്രാക്കുചെയ്യല് എന്നിവയിലൂടെ രാജ്യങ്ങള്ക്ക് രോഗം പടരുന്നത് കുറയ്ക്കാന് കഴിയും. ജപ്പാന്, ദക്ഷിണ കൊറിയ, ജര്മ്മനി എന്നീ രാജ്യങ്ങളുടെ വൈറസിനെതിരെയുള്ള പതിരോധ പ്രവര്ത്തനത്തെ അദ്ദേഹം എടുത്തു പറഞ്ഞു. പ്രതിരോധ പ്രവര്ത്തനങ്ങളുടെ ഗവേഷണ പുരോഗതി വിലയിരുത്തുന്നതിനായി ലോകാരോഗ്യ സംഘടന ഈ ആഴ്ച ഒരു യോഗം വിളിക്കാന് പദ്ധതിയിടുന്നതായും ടെഡ്രോസ് പറഞ്ഞു.