സൂപ്പര് ഹിറ്റ് ചിത്രം ഷോലെയിലെ സൂര്മ്മ ഭോപ്പാലി എന്ന കഥാപാത്രമായെത്തി ശ്രദ്ധ നേടിയ ബോളിവുഡ് നടൻ ജഗ്ദീപ് അന്തരിച്ചു. 81 വയസ്സായിരുന്നു.
വാര്ധക്യസംബന്ധമായ അസുഖങ്ങളെത്തുടര്ന്ന് മുംബൈ ബാന്ദ്രയിലെ വീട്ടില് ബുധനാഴ്ച രാത്രി 8.30നായിരുന്നു അന്ത്യം. സയിദ് ഇഷ്തിയാഖ് അഹമ്മദ് ജഫ്രി എന്നാണ് ഇദ്ദേഹത്തിന്റെ യഥാര്ഥ നാമം.
ഒന്പതാം വയസ്സില് ബാലതാരമായാണ് സിനിമയിലെത്തിയത്.നാന്നൂറോളം ചിത്രങ്ങളിൽ അഭിനയിച്ചെങ്കിലും ഏറ്റവും കൂടുതൽ ജനപ്രീതി നേടിയത് ഷോലെയിലെ അഭിനയത്തിനായിരുന്നു. ബി ആര് ചോപ്രയുടെ അഫ്സാന ആയിരുന്നു ആദ്യ ചിത്രം.
ബോളിവുഡിലെ നിരവധി പ്രമുഖർ സമൂഹ മാധ്യമങ്ങളിൽ ആദരാഞ്ജലി അർപ്പിച്ചു.