ബൊളീവിയന്‍ പ്രസിഡന്റിനും വെനസ്വേല സോഷ്യലിസ്റ്റ് പാർട്ടി നേതാവിനും കൊവിഡ്

ബൊളീവിയന്‍ പ്രസിഡന്റിനും  വെനസ്വേല സോഷ്യലിസ്റ്റ് പാർട്ടി നേതാവിനും കൊവിഡ് സ്ഥിരീകരിച്ചു. ബ്രസീൽ പ്രസിഡന്റ് ജെയർ ബോൾസാനാരോയ്ക്ക് രണ്ടുദിവസം മുൻപാണ് കൊവിഡ് സ്ഥിരീകരിച്ചിരുന്നത്. 

വെനസ്വേലയുടെ നമ്പർ 2 ഒഫീഷ്യലും സോഷ്യലിസ്റ്റ് പാർട്ടി നേതാവുമായ ഡയോസ്ഡാഡോ കാബെല്ലോ ഇന്നലെ വൈകീട്ടാണ് സമൂഹ മാധ്യമങ്ങളിൽ വിവരം പങ്കുവെച്ചത്. താൻ സ്വയം ഐസൊലേറ്റ് ചെയ്തിരിക്കുകയാണെന്നും അദ്ദേഹം പറഞ്ഞു.വൈകാതെ തന്നെ തനിക്കും കൊവിഡ് സ്ഥിരീകരിച്ചതായി ബൊളീവിയൻ വലതുപക്ഷ പ്രസിഡന്റ്‌ ജീനിൻ ആസെസ്  ട്വിറ്ററിൽ കുറിച്ചു. “എനിക്ക് കുഴപ്പമില്ല, ഞാൻ ഐസൊലേഷനിൽ ഇരുന്ന്  പ്രവർത്തിക്കും. നമ്മൾ  ഒരുമിച്ച് ഇതിലൂടെ കടന്നുപോകും. ” അവർ ട്വീറ്റ് ചെയ്തു. 

ആഗോള ജനസംഖ്യയുടെ 8% മാത്രമാണ്  ലാറ്റിനമേരിക്കയിലെങ്കിലും സമീപകാല കോവിഡ് -19 മരണങ്ങളിൽ പകുതിയോളം സംഭവിച്ചതും അവിടെയാണ്. മാർച്ചിൽ ആദ്യത്തെ കൊവിഡ്  കേസ് ബ്രസീലിൽ റിപ്പോർട്ട്‌ ചെയ്തത് മുതൽ ഇവിടെ  1, 20, 000 പേർക്ക്  കൊവിഡ് സ്ഥിരീകരിച്ചിരുന്നു. വെനസ്വേലയിൽ കോവിഡ് -19 പടരുന്നതിനെക്കുറിച്ചുള്ള ആശങ്കകൾ വർദ്ധിച്ചുകൊണ്ടിരിക്കുന്നതിനിടയിലാണ് കാബെല്ലോയുടെ പ്രഖ്യാപനം. ഇതിനകം തകർന്ന ആരോഗ്യ സംവിധാനത്തെ എങ്ങനെ  അതിജീവിക്കുമെന്നുള്ള ആശങ്കയും നിലനിൽക്കുന്നുണ്ട്. 

വെനസ്വേലയുടെ സ്വേച്ഛാധിപത്യ ഭരണകൂടം സമ്മതിക്കുന്നതിനേക്കാൾ മോശമായ അവസ്ഥയാണ് അവിടെയെന്ന് പ്രമുഖ പ്രതിപക്ഷ നേതാവ്  ജുവാൻ പാബ്ലോ ഗുവാനിപ തുറന്നടിച്ചു.

Contact the author

International Desk

Recent Posts

International

ചരിത്രത്തിലാദ്യമായി മിസ് യൂണിവേഴ്‌സ് മത്സരത്തില്‍ പങ്കെടുക്കാൻ അനുമതി നൽകി സൗദി അറേബ്യ

More
More
International

യുഎസിൽ ചരക്കുകപ്പലിടിച്ച് കൂറ്റന്‍ പാലം തകര്‍ന്നു

More
More
International

യുഎന്‍ രക്ഷാസമിതി ഗാസ വെടിനിര്‍ത്തല്‍ പ്രമേയം പാസാക്കി; അമേരിക്ക വിട്ടുനിന്നു

More
More
International

റിയാദില്‍ ലോകത്തിലെ ആദ്യ 'ഡ്രാഗണ്‍ ബാള്‍ തീം പാര്‍ക്ക്' ഒരുങ്ങുന്നു

More
More
International

ഈ ബീച്ചുകളില്‍ നിന്നും കല്ല് പെറുക്കിയാല്‍ രണ്ട് ലക്ഷം പിഴ

More
More
International

മോസ്കോയിൽ ഭീകരാക്രമണം: 60 പേർ കൊല്ലപ്പെട്ടു, 145 പേര്‍ക്ക് പരിക്ക്

More
More