യുഎപിഎ കേസിൽ അലന്‍ ഷുഹൈബ്, താഹ എന്നിവരുടെ റിമാന്‍റ് കാലാവധി നീട്ടി. കൊച്ചിയിലെ പ്രത്യേക എൻഐഎ കോടതിയാണ് റിമാന്‍റ് കാലാവധി അടുത്ത മാസം 13 വരെ നീട്ടിയത്. കേസ് അന്വേഷിക്കുന്ന എൻഐഎ കഴിഞ്ഞ ദിവസങ്ങളില്‍ ഇരുവരേയും ചോദ്യം ചെയ്തിരുന്നു.
എല്‍എല്‍ബി പരീക്ഷയെഴുതുവാന്‍ അനുമതി തേടി അലൻ ഹൈക്കോടതിയെ സമീപിച്ചു. ഈ മാസം 18-ന് നടക്കുന്ന രണ്ടാം സെമസ്റ്റർ എൽഎൽബി പരീക്ഷ എഴുതാൻ അനുമതി തേടിയാണ് അലന്‍ കോടതിയെ സമീപിച്ചത്. വിദ്യാര്‍ത്ഥിയെന്നത് പരിഗണിച്ച് അനുമതി നല്‍കണം എന്നാണ് അലന്‍റെ ഹര്‍ജി. കണ്ണൂർ സർവകലാശാല പാലയാട് ക്യാമ്പസിലെ വിദ്യാര്‍ത്ഥിയാണ് അലന്‍. ഹർജിയിന്മേൽ അന്വേഷണ ഏജൻസി, കണ്ണൂർ സർവകലാശാല എന്നിവരുടെ നിലപാട് കോടതി ആരാഞ്ഞു. വിശദമായ സത്യവാങ്മൂലം നൽകാൻ കോടതി നിർദേശിച്ചു. തുടര്‍ന്ന് കോടതി ഹര്‍ജിയില്‍ വിധി പറയും.
