ഡല്ഹി: രാജ്യത്ത് കഴിഞ്ഞ 24 മണിക്കൂറിനുള്ളില് 29,842 പേര്ക്കാണ് പുതുതായി കൊവിഡ്-19 സ്ഥിരീകരിച്ചിരിക്കുന്നത്. ഇത് റെക്കോര്ഡ് വര്ദ്ധനവാണ്. 28,158 - 28,660 എന്നിങ്ങനെയായിരുന്നു കഴിഞ്ഞ രണ്ടു ദിവസങ്ങളിലെ നിരക്ക്. കഴിഞ്ഞ ഒരാഴ്ചയായി രാജ്യത്തെ പ്രതിദിന രോഗീ നിരക്ക് ഇരുപത്തി അയ്യായിരത്തിലധികമാണ്. അതിനു തൊട്ടു മുന്ദിവസങ്ങളില് നിരക്ക് ഏകദേശം 18000 ത്തിനും 19000 ത്തിനും ഇടയില് നില്ക്കുകയായിരുന്നു. അതിപ്പോള് 29,000 ത്തിന് മുകളില് എത്തിയിരിക്കുകയാണ്.
ഇതുവരെ രോഗം ബാധിച്ചവരുടെ എണ്ണം
ഏറ്റവും ഒടുവിലത്തെ കണക്കനുസരിച്ച് ഇന്ത്യയിലെ ആകെ രോഗികളുടെ എണ്ണം 9,37,487 ലെത്തി. ഇതിനകം 5,93, 080 പേര് രോഗവിമുക്തരായി. 6,17,395 പേരാണ് നിലവില് ചികിത്സയില് കഴിയുന്നത്. മഹാരാഷ്ട്ര, തമിഴ്നാട്, ഡല്ഹി സംസ്ഥാനങ്ങളിലാണ് കൊവിഡ്-19 വ്യാപനം എറ്റവുമധികം രൂക്ഷമായിരിക്കുന്നത്.
രാജ്യത്ത് ക്രമാനുഗതമായ വളര്ച്ചയില് നിന്ന് ക്രമാതീതമായ വളര്ച്ചയിലേക്കാണ് രോഗീ വര്ദ്ധന ഉയരുന്നത്. ഇത്തരത്തില് റെക്കോര്ഡ് വര്ദ്ധനവോടെയുള്ള പ്രതിദിന രോഗീസംഖ്യ രാജ്യത്ത് തുടരുകയാണ്. മൊത്തം രോഗവ്യാപനത്തിന്റെ കണക്കനുസരിച്ച് കൊവിഡ്-19 വ്യാപനം രൂക്ഷമായ രാജ്യങ്ങളുടെ പട്ടികയില് മൂന്നാം സ്ഥാനത്തേക്ക് പ്രതിദിന രോഗീ വര്ദ്ധനവില് ഇപ്പോള് പട്ടികയില് തൊട്ടു മുകളിലുള്ള ബ്രസീലിനോട് കിടപിടിക്കുകയാണ്. ശരാശരി 30,000 രോഗികളാണ് ബ്രസീലില് പ്രതിദിനം വര്ദ്ധിക്കുന്നത്. എന്നാല് കഴിഞ്ഞ ദിവസങ്ങളില് രാജ്യത്തെ പ്രതിദിന രോഗിവര്ദ്ധന ബ്രസീലിന്റെ മുകളിലാണ്.
മരണം 588
കഴിഞ്ഞ 24 മണിക്കൂറിനുള്ളില് 588 പേരാണ് രാജ്യത്ത് കൊവിഡ്-19 മൂലം മരണമടഞ്ഞത്. ഏറ്റവും പുതിയ കണക്കനുസരിച്ച് രാജ്യത്തെ കൊവിഡ് മരണം 24,315 ആയി.