സംസ്ഥാനത്ത് ഒരു കോവിഡ് മരണം കൂടി. കാസര്കോട് ഉപ്പള സ്വദേശി നഫീസയാണ് മരിച്ചത്. 74 വയസായിരുന്നു. കണ്ണൂർ, പരിയാരം മെഡിക്കൽ കോളേജിൽ വെച്ചായിരുന്നു മരണം. ജൂലൈ 11ന് ആണ് രോഗം സ്ഥിരീകരിച്ചത്. ഇവരുടെ കുടുംബത്തിലെ 7 പേർക്ക് രോഗം സ്ഥിരീകരിച്ചിരുന്നു.
നഫീസയുടെ മകന് വിദേശത്ത് നിന്ന് എത്തിയതായിരുന്നു. ആദ്യ പരിശോധനയില് മകന് കൊവിഡ് ബാധിച്ചിരുന്നില്ല. എന്നാല് രണ്ട് ദിവസം മുന്പ് നടത്തിയ പരിശോധനയില് മകനും കൊവിഡ് സ്ഥിരീകരിച്ചു. മകനില് നിന്ന് ആകാം നഫീസയ്ക്ക് രോഗം ബാധിച്ചതെന്ന വിലയിരുത്തലിലാണ് ആരോഗ്യ വകുപ്പ്.
ജൂലൈ 11 ന് രോഗം സ്ഥിരീകരിച്ചപ്പോള് കാഞ്ഞങ്ങാട് ജില്ലാ ആശുപത്രിയിലായിരുന്നു നഫീസയെ പ്രവേശിപ്പിച്ചത്. ഗുരുതരമായ ശ്വാസകോശ രോഗമുണ്ടായിരുന്നതിനാല് തുടര്ന്ന് ഇവരെ പരിയാരം മെഡിക്കല് കോളജില് പ്രവേശിപ്പിക്കുകയായിരുന്നു. കാസര്ഗോഡ് ജില്ലയിലെ ആദ്യത്തെ കൊവിഡ് മരണമാണിത്.