അസ്സമില്‍ വെള്ളപ്പൊക്കം രൂക്ഷമാകുന്നു

ദിവസം തോറും വഷളായിക്കൊണ്ടിരിക്കുകയാണ് ആസാമിലെ വെള്ളപ്പൊക്കം. ഇതുവരെ നൂറോളം പേരാണ് ഒഴുകിപ്പോയത്. സംസ്ഥാനത്തെ 33 ജില്ലകളിൽ 27 എണ്ണത്തേയും വെള്ളപ്പൊക്കം വൻ തോതിൽ ബാധിച്ചു. ഏതാനും ദിവസങ്ങൾക്കുള്ളിലാണ് വെള്ളപ്പൊക്കത്തിൽ ദുരിതമനുഭവിക്കുന്നവരുടെ എണ്ണം മൂന്ന് ലക്ഷത്തിൽ നിന്ന് 40 ലക്ഷമായി ഉയർന്നത്. കാസിരംഗ ദേശീയോദ്യാനത്തിന്റെ 90 ശതമാനവും വെള്ളത്തിനടിയിലായി. കാണ്ടാമൃഗങ്ങൾ, കടുവകൾ തുടങ്ങിയ നിരവധി മൃഗങ്ങൾ ഒഴുകിപ്പോയതായും റിപ്പോർട്ടുകൾ ഉണ്ട്. 

അപ്പർ ആസാമിൽ വെള്ളപ്പൊക്കത്തിന്റെ ഭീകരത കുറയുന്നുണ്ടെങ്കിലും, ലോവർ ആസാമിന്റെ സ്ഥിതി വളരെ  ദയനീയമാണ്. വരും ദിവസങ്ങളിൽ ബ്രഹ്മപുത്ര നദി പലയിടത്തും കവിഞ്ഞൊഴുകാൻ സാധ്യതയുണ്ട്. ഇത് സ്ഥിതി കൂടുതൽ വഷളാക്കും. കേന്ദ്ര, സംസ്ഥാന ദുരന്ത നിവാരണ, ദുരിതാശ്വാസ സംഘങ്ങളെ സംസ്ഥാനത്തുടനീളം വിന്യസിച്ചിട്ടുണ്ട്. പ്രളയത്തിൽ കുടുങ്ങിയ നിരവധി പേരുടെ ജീവൻ ഇതിനകം ഇവര്‍ക്ക് രക്ഷിക്കാനായിട്ടുണ്ട്. 

കൊവിഡ്-19 പ്രതിരോധത്തിൽ സാമൂഹ്യ അകലം പാലിക്കേണ്ടതിന്റെ ആവശ്യകത കാരണം, ദുരിതാശ്വാസ കേന്ദ്രങ്ങൾ ഒരുക്കുന്നതിൽ വലിയ ബുദ്ധിമുട്ടുകൾ നേരിടുന്നുണ്ട്. വരും ആഴ്ചകളിൽ മഴക്കാല രോഗങ്ങൾ പൊട്ടിപ്പുറപ്പെടുമെന്ന ആശങ്കയിലാണ് ഭരണകൂടം.

കോവിഡ് -19 പകർച്ചവ്യാധി സംസ്ഥാനത്ത് പിടിമുറുക്കിയ ഈ സാഹചര്യത്തിൽ ഉണ്ടാകുന്ന വെള്ളപ്പൊക്കം അസമിനെ സംബന്ധിച്ചിടത്തോളം വളരെ ഇരട്ട പ്രഹരമാണ്. എല്ലാ വർഷവും മൺസൂൺ സമയത്ത് ഇന്ത്യയിലെ പല സംസ്ഥാനങ്ങളിലും വെള്ളപ്പൊക്കം ഉണ്ടാകാറുണ്ട്. എന്നാലും, വേണ്ടത്ര മുന്‍കരുതല്‍ സ്വീകരിക്കാതെ ദുരന്തമുണ്ടായതിനുശേഷം മാത്രമുള്ള കേന്ദ്ര - സംസ്ഥാന സര്‍ക്കാറുകളുടെ ഇടപെടലിനെതിരെ വിമര്‍ശം വ്യാപകമാണ്.

Contact the author

National Desk

Recent Posts

National Desk 5 hours ago
National

ഇഡി ഇനിയും വരും, പിറകെ മോദിയും ഷായും വരും, എല്ലാം എന്റെ വോട്ടുവിഹിതം കൂട്ടും- മഹുവ മൊയ്ത്ര

More
More
National Desk 6 hours ago
National

'1700 കോടി രൂപ പിഴയടയ്ക്കണം'; കോൺഗ്രസിന് ആദായനികുതി വകുപ്പിന്റെ നോട്ടീസ്

More
More
National Desk 1 day ago
National

ബട്ടര്‍ ചിക്കനെ ചൊല്ലിയുളള നിയമയുദ്ധം തുടരുന്നു; ഡല്‍ഹി ഹൈക്കോടതിയില്‍ പുതിയ ഹര്‍ജി

More
More
National Desk 1 day ago
National

മണിപ്പൂരില്‍ ഈസ്റ്ററിന് അവധിയില്ല; സർക്കാർ ഓഫീസുകൾ പ്രവർത്തിക്കണമെന്ന് ഉത്തരവ്

More
More
National Desk 1 day ago
National

സീറ്റ് ലഭിക്കാത്ത മനോവിഷമത്തിൽ ആത്മഹത്യക്ക് ശ്രമിച്ച ഈറോഡ് എംപി അന്തരിച്ചു

More
More
National Desk 1 day ago
National

1996-ലെ മയക്കുമരുന്ന് കേസ്; സഞ്ജീവ് ഭട്ട് കുറ്റക്കാരനാണെന്ന് കോടതി

More
More