വേണ്ടിവന്നാൽ രാജ്യത്തിനു വേണ്ടി വെറും മൂന്ന് ദിവസം കൊണ്ട് ഒരു സൈന്യം തന്നെ ഉണ്ടാക്കിയെടുക്കാൻ ആറ്എസ്എസ്സിന് സാധിക്കുമെന്ന് ആറ്എസ്എസ് മുഖ്യൻ മോഹൻ ഭാഗവത്. ആറ്ദിന മുസാഫിർപ്പൂർ സന്ദർശനത്തിന്റെ അവസാന ദിവസം സില സ്കൂൾ മൈതാനത്ത് തൊഴിലാളികളെ അഭിസംബോധന ചെയ്യുമ്പോഴാണ് അദ്ദേഹം ഇക്കാര്യം പറഞ്ഞത്.
"6-7 മാസമെടുത്ത് സൈന്യം സൈനികരെ സജ്ജമാക്കുന്നത് വെറും മൂന്ന് ദിവസത്തിനുള്ളിൽ സംഘം ചെയ്യും. ഇതാണ് ഞങ്ങളുടെ കഴിവ്. രാജ്യം അത്തരമൊരു സാഹചര്യം അഭിമുഖീകരിക്കുകയും ഭരണഘടന അനുവദിക്കുകയും ചെയ്യുകയാണെങ്കിൽ സ്വയംസേവകർ മുന്നണിയിൽ തന്നെ നിൽക്കാൻ തയ്യാറാകും." ഭാഗവത് പറഞ്ഞു. സംഘം ഒരു സൈനികസേനയല്ലെന്നും മറിച്ച് സൈന്യത്തെപോലെ അച്ചടക്കം പരിശീലിക്കുന്ന ഒരു കുടുംബ കൂട്ടായ്മയാണെന്നും അദ്ദേഹം കൂട്ടിച്ചേർത്തു.
വ്യക്തിപരവും കുടുംബപരവും സാമൂഹികവുമായ ജീവിതത്തിൽ നല്ല പെരുമാറ്റത്തിന് ഒരു മാതൃകയാകണമെന്നും ഭഗവത് ആർഎസ്എസ് പ്രവർത്തകരോട് അഭിപ്രായപ്പെട്ടു.