കരിപ്പൂര്‍: വിമാനാപകടം നടന്നതിനെ തുടര്‍ന്ന് കരിപ്പൂര്‍ വിമാത്താവളമടക്കാന്‍ കേന്ദ്ര വ്യോമയാന മന്ത്രാലയം തീരുമാനിച്ചു. കരിപ്പൂരിലേക്ക് അപകട ശേഷം എത്തിയ വിമാനം കണ്ണൂരിലേക്ക് തിരിച്ചു വിട്ടു. ആവശ്യമായ നടപടികള്‍ സ്വീകരിക്കുമെന്നും പ്രത്യേക അന്വേഷണ സംഘം സംഭവം അന്വേഷിക്കുമെന്നും വ്യോമയാന മന്ത്രി പറഞ്ഞു.
ഇതിനിടെ രാഷ്ട്രപതി രാംനാഥ് കോവിന്ദ്, പ്രധാനമന്ത്രി നരേന്ദ്രമോദി, ഗവര്‍ണ്ണര്‍ ആരിഫ് മുഹമ്മദ്‌ ഖാന്‍ തുടങ്ങിയവര്‍ സംഭവത്തില്‍ അനുശോചനം രേഖപ്പെടുത്തി. രാഷ്ട്രപതി ഗവര്‍ണ്ണറോടും പ്രധാനമന്ത്രി മുഖ്യമന്ത്രിയോടും ടെലഫോണില്‍ സംസാരിച്ചു. ആവശ്യമായ അടിയന്തിര നടപടികള്‍ സ്വീകരിക്കാന്‍ മുഖ്യമന്ത്രി ഉത്തരവിട്ടു.
