ആ 130 കോടിയില് ഞാനില്ല, സാമൂഹ്യ മാധ്യമങ്ങളില് ഏറ്റവുമധികം ഓടിക്കൊണ്ടിരിക്കുന്ന ഒരു പ്രസ്താവനയാണത്. രാമക്ഷേത്ര നിര്മ്മാണം രാജ്യത്തെ 130 കോടി ജനങ്ങള്ക്കും അഭിമാനിക്കാവുന്ന നേട്ടമാണെന്ന പ്രധാനമന്ത്രി നരേന്ദ്ര മോദിയുടെ പ്രസ്താവനയോട് വിയോജിച്ചുകൊണ്ട് തങ്ങളുടെ രാഷ്ട്രീയം ഉയര്ത്തിപ്പിടിക്കാന് ഏറ്റവും കുറഞ്ഞ അധ്വാനത്തിലൂടെ ലഭിച്ച അവസരം എന്ന നിലയില് ആളുകള് ഈ പോസ്റ്റ് കോപ്പി പെയ്സ്റ്റ് ചെയ്തുകൊണ്ടിരിക്കുകയാണ്.
വളരെ ആഴത്തില് വേരുകളുള്ള, കാലം ചെല്ലും തോറും നിരവധി സംഭവ വികാസങ്ങളിലൂടെ നമുക്ക് മുന്നില് കൂടുതല് കൂടുതല് വെളിപ്പെടുകൊണ്ടിരിക്കുന്ന രാഷ്ട്രീയ പ്രശ്നങ്ങള്ക്കുമേല് ഇത്തരം ഒറ്റവരി പ്രസ്താവനകളും മാത്രം മതിയോ? ഇനി ഈ കാമ്പയിനുകളുടെ അവസ്ഥ എന്താകും?