സ്വര്ണ്ണക്കടത്ത് കേസ് പ്രതികളായ സ്വപ്ന സുരേഷിനും സെയ്തലവിക്കും ജാമ്യമില്ല. കൊച്ചിയിലെ സാമ്പത്തിക കുറ്റകൃത്യ കോടതിയാണ് ജാമ്യം നിഷേധിച്ചത്. കഴിഞ്ഞ ദിവസം തന്നെ കസ്റ്റംസ് ഇവരുടെ ജാമ്യത്തെ എതിര്ത്തിരുന്നു. ഒരു വ്യവസായം പോലെയാണ് പ്രതികള് സ്വര്ണ്ണക്കടത്ത് നടത്തിയതെന്നും, കേസിലെ വിദേശ ബന്ധം അടക്കം ചൂണ്ടിക്കാട്ടിയുമാണ് കസ്റ്റംസ് ജാമ്യം നല്കരുതെന്ന് വാദിച്ചത്. ഇന്നലെ വാദം കേള്ക്കല് പൂരത്തിയായിരുന്നെങ്കിലും വിധിപറയാന് ഇന്നത്തേക്ക് മാറ്റുകയായിരുന്നു.
കേസില് സഞ്ജു അടക്കമുള്ള മൂന്നു പ്രതികളുടെ ജാമ്യാപേക്ഷ ഹൈകോടതിയുടെ പരിഗണനയിലുമാണ്. നേരത്തെ, സ്വപ്ന സുരേഷിന്റെ ജാമ്യാപേക്ഷ കൊച്ചി എന്ഐഎ കോടതിയും തള്ളിയിരുന്നു. കേസില് വിശദമായ വാദം കേട്ട ശേഷമാണ് കോടതി ജാമ്യം തള്ളിയത്. കേസ് ഡയറിയുടെയും തെളിവുകളുടെയും അടിസ്ഥാനത്തിലാണ് സ്വപ്നയ്ക്ക് ജാമ്യം നിഷേധിക്കുന്നതെന്ന് തെന്ന് കോടതി പറഞ്ഞിരുന്നു.
അതേസമയം കേസില് യുഎപിഎ നിലനില്ക്കില്ലെന്നാണ് സ്വപ്നയുടെ അഭിഭാഷകന് വാദിച്ചത്. സ്വപ്നയുടെ ചില മൊഴികളുമായി ബന്ധപ്പെട്ട രേഖകള് മാത്രമാണ് ഹാജരാക്കാന് സാധിച്ചതെന്നും മറ്റ് തെളിവുകളില്ലെന്നും അവര് വാദിച്ചിരുന്നു.