ഉത്തർപ്രദേശ് ആരോഗ്യസഹമന്ത്രിക്ക് കൊവിഡ് സ്ഥിരീകരിച്ചു. അതുൽ ഗാർഗിനാണ് അസുഖം സ്ഥിരീകരിച്ചത്. രണ്ടാം പരിശോധനയിലാണ് അതുലിന് രോഗം കണ്ടെത്തിയത്. 3 ദിവസം മുമ്പ് നടത്തിയ ആർടിപിസിആർ ടെസ്റ്റിൽ ഫലം നെഗറ്റീവായിരുന്നു. താനുമായി സമ്പർക്കം പുലർത്തിയവർ ക്വറന്റൈനിൽ പോകണമെന്ന് മന്ത്രി ആവശ്യപ്പെട്ടിട്ടുണ്ട്. ആദ്യ ടെസ്റ്റിന് ശേഷം താനുമായി ബന്ധപ്പെട്ടവരോടാണ് ക്വാറന്റീനിൽ പോകാൻ ആവശ്യപ്പെട്ടത്.
ഉത്തർപ്രദേശ് മന്ത്രിയും മുൻ ക്രിക്കറ്റ് താരവുമായ ചേതൻ ചൗഹാൻ കൊവിഡ് മൂലം മരണപ്പെട്ടിരുന്നു. ആഗസ്റ്റ് 16 നാണ് ചേതൻ ചൗഹാൻ മരിച്ചത്. കൂടാതെ യോഗി ആതിഥ്യനാഥ് മന്ത്രി സഭയിലെ കമൽ റാണി വരുൺ എന്നവരും കൊവിഡ് ബാധിച്ച് മരിച്ചിരുന്നു. പ്രമുഖ വ്യക്തികളെ കൊവിഡ് കീഴടക്കുന്നത് ആശങ്കയോടെയാണ് ആരോഗ്യ വിദഗ്ധർ കാണുന്നത്.