കോടതി പറഞ്ഞാല്‍ സംവരണം നിര്‍ത്തലാക്കില്ല - മുഖ്യമന്ത്രി

തിരുവല്ല: രാജ്യത്തെ ഏതെങ്കിലും കോടതി പറഞ്ഞാല്‍ സംവരണം നിര്‍ത്തലാക്കാന്‍ കഴില്ലെന്ന് മുഖ്യമന്ത്രി പിണറായി വിജയന്‍ തിരുവല്ലയില്‍ പറഞ്ഞു. പ്രത്യക്ഷ രക്ഷാ ദൈവ സഭാ സ്ഥാപകന്‍ പൊയ്കയില്‍ ശ്രീകുമാര ഗുരുവിന്‍റെ 142-ാ മത് ജന്മദിന മഹോത്സവത്തോടനുബന്ധിച്ച്  നടന്ന, പൊതു സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു  മുഖ്യമന്ത്രി.

സംവരണം നടപ്പിലാക്കുമ്പോള്‍ എന്തായിരുന്നോ ഉദ്ദേശിച്ചത് അതിന്‍റെ ഫലങ്ങളിലേക്ക് എത്താന്‍ പിന്നാക്ക സമുദായങ്ങള്‍ക്ക് ഇപ്പോഴും കഴിഞ്ഞിട്ടില്ല. അക്കാരണത്താല്‍ സംവരണം ഒഴിവാക്കാനാവില്ല എന്ന് തന്നെയാണ് നിലപാട്. സര്‍ക്കാരിന്‍റെയും എല്‍ഡിഎഫിന്‍റെയും നിലപാട് ഇക്കാര്യത്തില്‍ ഒന്നുതന്നെയാണെന്ന് മുഖ്യമന്ത്രി പിണറായി വിജയന്‍ വ്യക്തമാക്കി.

ചാതുര്‍വര്‍ണ്ണ്യ വ്യവസ്ഥ പുന:സ്ഥാപിക്കാനാണ് ഇപ്പോള്‍ ശ്രമം നടക്കുന്നത്. എല്ലാതരം  സംവാദങ്ങളെയും ഇല്ലാതാക്കാനും,  നാം കുഴിച്ചു മൂടിയ ജീര്‍ണ്ണതകളെ ഉയിര്‍പ്പിക്കനുമുള്ള ശ്രമങ്ങളാണ് നടന്നുകൊണ്ടിരിക്കുന്നത്. ഇതിനു പിന്നില്‍ വര്‍ഗീയ ശക്തികളുടെ കുടില ബുദ്ധിയാണുള്ളത്-മുഖ്യമന്ത്രി പറഞ്ഞു. നവോഥാന കാലം ഉയര്‍ത്തിപ്പിടിച്ച ആശയങ്ങളെ തമസ്ക്കരിക്കാനും നാടിനെയാകെ ഇരുണ്ട കാലത്തേക്ക് തിരിച്ചു കൊണ്ടു പോകാനുമുള്ള ശ്രമങ്ങളെ തിരിച്ചറിയേണ്ടതുണ്ടെന്നും മുഖ്യമന്ത്രി ഓര്‍മിപ്പിച്ചു.

പ്രത്യക്ഷ രക്ഷാ ദൈവ സഭാ പ്രസിഡണ്ട് വൈ.സദാശിവന്‍ അധ്യക്ഷനായിരുന്നു. മഹോത്സവത്തി ന്‍റെ ഭാഗമായി നടന്ന ചെറുകിട തൊഴില്‍ പരിശീലന പരിപാടി മന്ത്രി എ.എം. മണി ഉദ്ഘാടനം ചെയ്തു. തമിഴ്നാട് എംപി തോള്‍ തിരുമണവാളന്‍ മുഖ്യാഥിതിയായിരുന്നു. 

      

Contact the author

News Desk

Recent Posts

Web Desk 7 hours ago
Keralam

വീണ വിജയന്‍റെ കമ്പനിയായ എക്സാലോജിക്കിനെതിരെ ഇഡി കേസെടുത്തു

More
More
Web Desk 1 day ago
Keralam

കലാമണ്ഡലത്തില്‍ ഇനി ആണ്‍കുട്ടികള്‍ക്കും മോഹിനിയാട്ടത്തിന് പ്രവേശനം ലഭിക്കും

More
More
Web Desk 2 days ago
Keralam

സിദ്ധാര്‍ഥിന്റെ മരണം; കേസ് അട്ടിമറിക്കാനുളള നീക്കം എന്ത് വില കൊടുത്തും ചെറുക്കും- വി ഡി സതീശന്‍

More
More
Web Desk 2 days ago
Keralam

കേരളം ഇന്ന് 4866 കോടി കടമെടുക്കും

More
More
Web Desk 3 days ago
Keralam

സസ്‌പെന്‍ഡ് ചെയ്ത വിദ്യാര്‍ത്ഥികളെ തിരിച്ചെടുത്ത സംഭവം; വിസിക്കെതിരെ പരാതി നല്‍കുമെന്ന് സിദ്ധാര്‍ഥിന്റെ അച്ഛന്‍

More
More
Web Desk 3 days ago
Keralam

'എന്തിന്' ? ; കെ സുരേന്ദ്രന്റെ വയനാട് സ്ഥാനാര്‍ത്ഥിത്വത്തെ പരിഹസിച്ച് ടി സിദ്ദിഖ്

More
More