ഇന്ത്യൻ പ്രിമിയർ ലീഗ് പതിമൂന്നാം സീസണിന്‍റെ ഷെഡ്യൂൾ ഔദ്യോഗികമായി പ്രഖ്യാപിച്ചു. മാര്ച്ച് 29നാണ് ആദ്യ മത്സരം. ഉദ്ഘാടന മത്സരത്തിൽ നിലവിലെ ചാമ്പ്യന്മാരായ മുംബൈ ഇന്ത്യന്‍സും ചെന്നൈ സൂപ്പര്‍ കിങ്‌സും തമ്മിൽ ഏറ്റുമുട്ടും. മുംബൈ വാംഖഡെ സ്റ്റേഡിയത്തിലാണ് മത്സരം. ഭൂരിഭാഗം മത്സരങ്ങളും രാത്രി എട്ട് മണിക്കാണ് മത്സരങ്ങൾ ആരംഭിക്കുക. ആറു മത്സരങ്ങൾ വൈകീട്ട് നാലിന് ആരംഭിക്കും. മെയ് 24ന് മുംബൈ വാംഖഡെയിലാണ് ഫൈനല്‍. ആകെ 62 മത്സരങ്ങളാണ് ഉണ്ടാവുക. ആകെ 8 ടീമുകളാണ് ഐപിഎല്ലിൽ ഏറ്റുമുട്ടുക. വിവോ മൊബൈലാണ് ഐപിഎല്ലിന്‍റെ പ്രധാന സ്പോൺസർ.
Also Read
മിക്ക ടീമുകളും മത്സരക്രമം പുറത്തു വിട്ട് മൂന്ന് ദിവസത്തിന് ശേഷമാണ് ബി.സി.സി.ഐ ഔദ്യോഗികമായി ഷെഡ്യൂള്‍ പ്രഖ്യാപിക്കുന്നത്. സണ്‍ റൈസേഴ്സ് ഹൈദരാബാദാണ് ആദ്യം ടീമിന്‍റെ ഷെഡ്യൂള്‍ സമൂഹമാധ്യമങ്ങളിലൂടെ പുറത്തുവിട്ടത്. ചെന്നൈ , ബാംഗ്ലൂര്‍, കൊല്‍ക്കത്ത ടീമുകളും ഷെഡ്യൂള്‍ പങ്കുവെച്ചിരുന്നു.
