ലഡാക്കിലെ യഥാര്ത്ഥ നിയന്ത്രണ രേഖയില് ഉള്ള തര്ക്കവുമായി ബന്ധപ്പെട്ട് ഇന്ത്യന് - ചൈനീസ് സൈനികര് തമ്മില് നടത്തിക്കൊണ്ടിരിക്കുന്ന നയതന്ത്ര ചര്ച്ചകളില് പുരോഗതിയില്ലെന്ന് പ്രതിരോധ മേധാവി ജനറല് ബിപിന് റാവത്ത്.
'ലഡാക്കിലെ ചൈനീസ് അതിക്രമങ്ങള് കൈകാര്യം ചെയ്യുന്നതിനുള്ള സൈനിക - നയതന്ത്ര തല ചര്ച്ചകള് തുടരുകയാണെന്നും എന്നാല് അതും പരാജയപ്പെട്ടാല് സൈനിക നടപടിയെകുറിച്ച് കാര്യമായി ആലോചിക്കേണ്ടി വരുമെന്നും ജനറല് റാവത്ത് വാര്ത്താ ഏജന്സിയോട് പറഞ്ഞു.
ചൈനീസ് അതിക്രമങ്ങളെ തൂടര്ന്ന് അതിര്ത്തിയിലെ പ്രതിസന്ധികള് സൈനിക നടപടിയിലൂടെ പരിഹരിക്കണമെന്ന തരത്തില് ഒരു മുതിര്ന്ന സൈനിക ഉദ്യോഗസ്ഥന് പരസ്യമായി പ്രതികരിക്കുന്നത് ഇതാദ്യമാണ്. പാങ്കോംഗ് ത്സോയിലും ഗോഗ്ര പോസ്റ്റ് പ്രദേശത്തും സൈനികരെ പിന്വലിക്കുന്നതുമായി ബന്ധപ്പെട്ട് ചൈനയുമായുള്ള സൈനിക ചര്ച്ചയ്ക്ക് സര്ക്കാര് തയ്യാറെടുക്കുമ്പോഴാണ് ജനറല് റാവത്തിന്റെ പുതിയ പ്രസ്താവന.
കഴിഞ്ഞ ശനിയാഴ്ച പ്രതിരോധമന്ത്രി രാജ്നാഥ് സിംഗ് എന്എസ്എ അജിത് ദോവല്, ജനറല് റാവത്ത്, മൂന്ന് സര്വീസ് മേധാവികള് എന്നിവരുമായി കൂടിക്കാഴ്ച നടത്തിയിരുന്നു.