കൊറോണ വൈറസിന് പരിഹാരമെന്ന് യോഗ ഗുരു രാംദേവ് അവകാശപ്പെടുന്ന രോഗപ്രതിരോധ ബൂസ്റ്റർ 'കൊറോണിലിന്' വ്യാപാരമുദ്ര നൽകുന്നത് വിലക്കണമെന്ന ഹർജി സുപ്രീം കോടതി തള്ളി. ചെന്നൈ ആസ്ഥാനമായുള്ള അരുദ്ര എഞ്ചിനീയർസ് എന്ന കമ്പനി സമർപ്പിച്ച ഹർജിയാണ് കോടതി തള്ളിയത്.
പതഞ്ജലി പുറത്തിറക്കിയ ഇമ്യൂണിറ്റി ബൂസ്റ്റർ ഉൽപ്പന്നത്തിന് 'കൊറോനിൽ' എന്ന പേര് ഉപയോഗിക്കുന്നതിൽ നിന്ന് വിലക്കേർപ്പെടുത്താതിൽ മദ്രാസ് ഹൈക്കോടതിയെ അരുദ്ര ചോദ്യം ചെയ്തു. 1993 മുതൽ ‘കൊറോനിൽ’ എന്ന വ്യാപാരമുദ്ര തങ്ങളുടെ ഉടമസ്ഥതയിലാണെന്ന് സാനിറ്റൈസറുകളും രാസവസ്തുക്കളും നിർമ്മിക്കുന്ന കമ്പനി അവകാശപ്പെട്ടു. ഈ കോവിഡ് കാലഘട്ടത്തിൽ, കൊറോനിൽ എന്ന വാക്ക് ഉപയോഗിക്കുന്നത് തടയുകയാണെങ്കിൽ, അത് ഉൽപ്പന്നത്തിനെ സാരമായി ബാധിക്കുമെന്നാണ് സുപ്രീം കോടതി വിധിച്ചത്.
അരുദ്ര ഇനി മദ്രാസ് ഹൈക്കോടതിയിൽ കേസ് വാദിക്കും. രാംദേവിന്റെ പതഞ്ജലി 'കൊറോനിൽ' എന്ന പേര് ഉപയോഗിക്കുന്നത് തടയാൻ ഹൈക്കോടതിയിൽ കേസ് നടത്താൻ അരുദ്ര എഞ്ചിനീയേഴ്സ് ലിമിറ്റഡിനോട് സുപ്രീം കോടതി ആവശ്യപ്പെട്ടു.