സിപിഎം പ്രവര്‍ത്തകരുടെ കൊലപാതകം: കോണ്‍ഗ്രസ് പ്രവര്‍ത്തകര്‍ അറസ്റ്റില്‍

തിരുവനന്തപുരം: വെഞാറമ്മൂട്ടില്‍ സിപിഎം പ്രവര്‍ത്തകരായ മിഥിലാജിനെയും ഹഖ് മുഹമ്മദിനെയും കൊലപ്പെടുത്തിയതുമായി ബന്ധപ്പെട്ടു നാല് കോണ്‍ഗ്രസ് പ്രവര്‍ത്തകര്‍ പിടിയിലായി. പോലിസ് കഴിഞ്ഞ ദിവസം കസ്റ്റഡിയിലെടുത്ത ആറുപേരില്‍ അജിത്‌, സതി,നജീബ്, ശജിത് എന്നിവരെ പോലിസ് അറസ്റ്റു ചെയ്തു. കൊലപാതകത്തിന് കൂടുതല്‍ കോണ്‍ഗ്രസ് പ്രവര്‍ത്തകര്‍ ഒത്താശ ചെയ്തിട്ടുണ്ട് അന്ന് പോലിസ് കണ്ടെത്തിയിട്ടുണ്ട്. പ്രധാന പ്രതികള്‍ സനല്‍, സജീവ്‌ എന്നിവരാണ്.ഇവരുടെ അറസ്റ്റ് രേഖപ്പെടുത്തും. ഇവരാണ് കൃത്യം നേരിട്ട് നടത്തിയത് എന്നാണു വിവരം.

കൃത്യം നടത്തുന്നതില്‍ നിര്‍ണ്ണായക പങ്കുവഹിച്ച ഉണ്ണി, അന്‍സാര്‍ എന്നിവര്‍ക്കായുള്ള തെരച്ചില്‍ തുടരുകയാണ്. രാഷ്ട്രീയ വ്യക്തി വൈരാഗ്യം തന്നെയാണ് കൊലപാതകത്തിനു കാരണം എന്ന് പോലിസ് വൃത്തങ്ങള്‍ പറഞ്ഞു. സംഭവം ആസൂത്രണം ചെയ്ത കൂടുതല്‍ പേരെകുറിച്ച് പോലീസിന് കൃത്യമായ വിവരം ലഭിച്ചിട്ടുണ്ട്. ഇവര്‍ക്കായി സമീപ റൂറല്‍ ജില്ലാ പോലിസ് സ്റ്റെഷനുകള്‍ കേന്ദ്രീകരിച്ച് അന്വേഷണം ഊര്‍ജ്ജിതപ്പെടുത്തിയിട്ടുണ്ട്. കൊല്ലപ്പെട്ട മിഥിലാജ് ഡിവൈഎഫ് ഐ യൂനിറ്റ് സെക്രട്ടറിയും ഹഖ് മുഹമ്മദ്‌ സിപിഎം ബ്രാഞ്ച് അംഗവുമാണ്. കഴിഞ്ഞ ലോക്സഭാ തെരഞ്ഞെടുപ്പിലെ കലാശക്കൊട്ടുമായി ബന്ധപ്പെട്ടുണ്ടായ സംഘര്‍ഷമാണ് കൊലപാതകത്തില്‍ എത്തിയത് എന്നാണു പോലിസ് റിപ്പോര്‍ട്ട്. ഞായറാഴ്ച രാത്രിയാണ് കൊലപാതകം നടന്നത്. കൊലപതകത്തെ തുടര്‍ന്ന് അരങ്ങേറിയ അക്രമ സംഭവങ്ങളില്‍ പ്രതിഷേധിച്ച് യു ഡി എഫ് ഇന്ന് വെമ്പായത്ത് ഹര്‍ത്താല്‍ പ്രഖ്യാപിച്ചിരിക്കയാണ്.

Contact the author

Web Desk

Recent Posts

Web Desk 3 hours ago
Keralam

മധുവിന്റെ അമ്മയ്ക്കും സഹോദരിക്കുമെതിരെ മൂന്ന് കോടിയുടെ നഷ്ടപരിഹാരം ആവശ്യപ്പെട്ട് നോട്ടീസ്

More
More
Web Desk 23 hours ago
Keralam

ഇടതുസര്‍ക്കാരിനെ അട്ടിമറിക്കാനുളള നീക്കമുണ്ട്, എന്തുവില കൊടുത്തും സംരക്ഷിക്കും- കോടിയേരി ബാലകൃഷ്ണന്‍

More
More
Web Desk 23 hours ago
Keralam

സിപിഎം സംസ്ഥാന സമിതിയില്‍ മന്ത്രിമാര്‍ക്കെതിരെ വിമര്‍ശനമുണ്ടായിട്ടില്ല - മന്ത്രി മുഹമ്മദ്‌ റിയാസ്

More
More
Web Desk 1 day ago
Keralam

സിവിക് ചന്ദ്രന് രണ്ടാമത്തെ പീഡന പരാതിയിലും മുന്‍കൂര്‍ ജാമ്യം

More
More
Web Desk 1 day ago
Keralam

അളവിലും അശോക ചക്രത്തിലും മാനദണ്ഡം പാലിച്ചില്ല; ഇടുക്കിയില്‍ ഒരുലക്ഷത്തിലേറെ ദേശീയ പതാകകള്‍ പാഴായി

More
More
Web Desk 1 day ago
Keralam

മന്ത്രിമാര്‍ സ്വയം തീരുമാനമെടുക്കാതെ എല്ലാം മുഖ്യമന്ത്രിക്ക് വിടുന്നു; സിപിഎം സംസ്ഥാന കമ്മിറ്റിയില്‍ വിമര്‍ശനം

More
More