സംവിധായകരായ രഞ്ജിത്തും സിബി മലയിലും വീണ്ടും ഒന്നിക്കുന്നു. 22 വർഷത്തെ ഇടവേളക്ക് ശേഷമാണ് ഇരുവരും ഒന്നിക്കുന്നത്. 1998 ൽ പുറത്തിറങ്ങിയ സൂപ്പർ ഹിറ്റ് ചിത്രം സമ്മർ ഇൻ ബെത്തലഹേം എന്ന ചിത്രത്തിലാണ് ഇരുവരും ഒത്തുചേർന്നത്. രഞ്ജിത്തിന്റെ തിരക്കഥയിൽ സിബി മലയിൽ ഒരുക്കിയ ചിത്രമായിരുന്നു സമ്മർ ഇൻ ബെത്തലഹേം. ജയറാം സുരേഷ് ഗോപി, മഞ്ജുവാര്യർ എന്നിവർ വേഷമിട്ട ചിത്രത്തിൽ മോഹൻ ലാൽ അതിഥി താരമായി എത്തിയിരുന്നു.
പുതിയ ചിത്രത്തിന്റെ പ്രഖ്യാപനം രഞ്ജിത്ത് ഫേസ് ബുക്കിലൂടെയാണ് നടത്തിയത്. ആസിഫ് അലിയാണ് ചിത്രത്തിലെ നായകൻ. രഞ്ജിത്താണ് ചിത്രം നിർമിക്കുന്നത്.
രഞ്ജിത്തിന്റെ ഫേസ്ബുക്കിന്റെ പൂർണ രൂപം.
ഇരുപത്തിരണ്ട് വർഷം മുൻപ് ഈ ദിവസം ഇതിലൊരാൾ തിരക്കഥാകൃത്തും ഒരാൾ സംവിധായകനുമായി സമ്മർ ഇൻ ബത്ലഹേം പുറത്തിറങ്ങി .ഇരുപത്തിരണ്ടു വർഷങ്ങൾക്ക് ശേഷം അതിലൊരാൾ നിർമാതാവും മറ്റൊരാൾ സംവിധായകനുമായി ഒരു ആസിഫ് അലി ചിത്രം ഈ വർഷം ആരംഭിക്കുകയാണ്.