ഡല്‍ഹി: രാജ്യത്ത് കഴിഞ്ഞ 72 മണിക്കൂറിനുള്ളില്‍ 2,60,405 പേര്ക്കാണ് കൊവിഡ് സ്ഥിരീകരിച്ചത്. തൊട്ടു മുന്‍പുള്ള നാലുദിവസങ്ങളിലായി 87,298,- 78,169,- 63,326,- 77,819 എന്നിങ്ങനെയായിരുന്നു പ്രതിദിന നിരക്കുകള്‍. രാജ്യത്ത് കഴിഞ്ഞ ആഴ്ച്ചയില്‍ അറുപതിനായിരത്തിനു മുകളില്‍ പോയ പ്രതിദിന രോഗീ നിരക്ക് ഇടയ്ക്ക് അല്പം കുറഞ്ഞിരുന്നുവെങ്കിലും കഴിഞ്ഞ കുറച്ചു ദിവസങ്ങളിലായി വീണ്ടും മുകളിലെത്തിയിരിക്കുകയാണ്. പ്രതിദിന നിരക്ക് ക്രമാനുഗതമായാണ് വര്‍ദ്ധിക്കുന്നത്. ഇപ്പോഴത്തെ പ്രവണതയനുസരിച്ച് പ്രതിദിന രോഗീനിരക്ക് ഒരുലക്ഷത്തിലെത്താനുള്ള സാധ്യതയാണുള്ളത്.
ഏറ്റവും ഒടുവിലത്തെ കണക്കനുസരിച്ച് ഇന്ത്യയിലെ ആകെ രോഗികളുടെ എണ്ണം 41,13,811ലെത്തി. 31,80,865 രോഗവിമുക്തരായി. മഹാരാഷ്ട്ര, തമിഴ്നാട്, കര്‍ണ്ണാടക, ഡല്‍ഹി തുടങ്ങിയ സംസ്ഥാനങ്ങളിലാണ് കൊവിഡ്-19 വ്യാപനം എറ്റവുമധികം രൂക്ഷമായിരിക്കുന്നത്. കൊവിഡ് വ്യാപനം രൂക്ഷമായ രാജ്യങ്ങളുടെ പട്ടികയില്‍ അമേരിക്ക, ബ്രസീല്‍ എന്നീ രാജ്യങ്ങള്‍ക്ക് ശേഷം മൂന്നാമാതായാണ് ഇന്ത്യയുടെ സ്ഥാനം. എന്നാല്‍ രണ്ടാം സ്ഥാനത്തുള്ള ബ്രസീലിനെക്കാള്‍ വെറും പതിനായിരം രോഗികളുടെ കുറവ് മാത്രമാണ് മൂന്നാം സ്ഥാനത്തുള്ള ഇന്ത്യയ്ക്കുള്ളത്. പ്രതിദിന രോഗീ വര്‍ദ്ധന ബ്രസീലിനെക്കാള്‍ കൂടുതലായതുകൊണ്ട് നാളെ ലോക പട്ടികയില്‍ ബ്രസീലിനെ മറികടന്ന് ഇന്ത്യ രണ്ടാം സ്ഥാനത്തേക്ക് കൂപ്പുകുത്തുമെന്നാണ് വിലയിരുത്തല്‍.
72 മണിക്കൂറിനുള്ളില്‍ 3,190 മരണം
രാജ്യത്ത് കഴിഞ്ഞ 72 മണിക്കൂറിനുള്ളില്‍ 3,190 പേര്ക്കാണ് കൊവിഡ് സ്ഥിരീകരിച്ചത്. കഴിഞ്ഞ മൂന്നു ദിവസങ്ങളില്‍ 1026,- 975,- 956 എന്നിങ്ങനെ ആയിരുന്നു പ്രതിദിന നിരക്ക്. ഇത് ആയിരത്തിലും അതിനു മുകളിലും എത്തിച്ചേരാനുള്ള പ്രവണതയാണ് കഴിഞ്ഞ ദിവസങ്ങളിലെ നിരക്കുകള്‍ കാണിക്കുന്നത്.
കഴിഞ്ഞ നാല് ദിവസങ്ങളിലെ കണക്കുപ്രകാരം രാജ്യത്തെ ശരാശരി പ്രതിദിന കൊവിഡ് മരണം 1000 ആണെന്ന് പറയാം. ഏറ്റവും പുതിയ കണക്കനുസരിച്ച് രാജ്യത്തെ കൊവിഡ് മരണം 70,679 ആയി. രാജ്യത്ത് ക്രമാനുഗതമായ വളര്‍ച്ചയില്‍ നിന്ന് ക്രമാതീതമായ വളര്‍ച്ചയിലേക്കാണ് രോഗീ വര്‍ദ്ധന ഉയരുന്നത്.
