കേരളത്തിൽ ഇന്നും കനത്ത മഴ തുടരും. ന്യൂനമർദ്ദം നിലനിൽക്കുന്നതിനാലാണ് കനത്ത മഴ പ്രവചിച്ചിരിക്കുന്നത്. വടക്കൻ കേരളത്തിലാകും കൂടുതൽ മഴ ലഭിക്കുക. മഹാരാഷ്ട്ര മുതൽ കേരളത്തിലെ വടക്കൻ ജില്ലകൾ വരെയാണ് മഴതുടരുക. ഏഴ് ജില്ലകളിൽ യെല്ലോ അലർട്ട് മുന്നറിയിപ്പ് കാലാവസ്ഥാ നിരീക്ഷണ കേന്ദ്രം നൽകിയിട്ടുണ്ട്. കാസർകോട്, കണ്ണൂർ കോഴിക്കോട് മലപ്പുറം തൃശ്ശൂർ എറണാകുളം ജില്ലകളിലാണ് യെല്ലോ അലർട്ട്. അതേസമയം വയനാട് ജില്ലയെ യെല്ലോ അലർട്ടിൽ നിന്ന് ഒഴിവാക്കിയിട്ടുണ്ട്.
നാളെയും മഴക്ക് സാധ്യതയുണ്ടെന്ന് കാലവസ്ഥാ നിരീക്ഷണ കേന്ദ്രം അറിയിച്ചു. ബംഗാൾ ഉൾക്കടലിൽ ന്യൂനമർദ്ദം രൂപപ്പെടാൻ സാധ്യതയുണ്ടെന്നാണ് വിലയിരുത്തൽ. ന്യൂനമർദ്ദം അന്ധ്രയുടെ തീരത്താണ് ന്യൂനമർദ്ദം രൂപപ്പെടുന്നത്.