ജപ്പാന്റെ പുതിയ പ്രധാനമന്ത്രിയായി യോഷിഹിഡെ സുഗ അധികാരമേറ്റു. അനാരോഗ്യത്തെ തുടര്‍ന്ന് ഷിന്‍സോ ആബെ രാജിവച്ചതിനെ തുടര്‍ന്നാണ് ചീഫ് ക്യാബിനറ്റ് സെക്രട്ടറിയായ സുഗ പ്രധാനമന്ത്രി പദത്തിലേക്ക് എത്തുന്നത്. 71 വയസ്സുകാരനായ സുഗക്ക് 416 അംഗ പാര്‍ലമെന്റില്‍ 314 പേരുടെ പിന്തുണ ലഭിച്ചു.
നേരത്തെ ആബെ സര്‍ക്കാരില്‍ മന്ത്രിമാരായിരുന്നവരെ തന്നെ ഉള്‍പ്പെടുത്തി യോഷിഹിഡെ മന്ത്രി സഭ പുന സംഘടിപ്പിക്കുമെന്ന് പ്രദേശിക മാധ്യമങ്ങള്‍ റിപ്പോര്‍ട്ട് ചെയ്യുന്നു.
കൊവിഡ് വ്യാപനം തടയുക സമ്പദ്വ്യവസ്ഥയെ ശക്തിപ്പെടുത്തുക തുടങ്ങിയ കാര്യങ്ങള്‍ക്കാണ് താന്‍ മുന്‍ഗണന നല്‍കുന്നതെന്ന് സുഗ പറഞ്ഞു, ആബെയുടെ പ്രഖ്യാപിത നയങ്ങള്‍ തന്നെ പിന്തുടരുമെന്നും അദ്ദേഹം വ്യക്തമാക്കി. ദീര്‍ഘകാലമായി ആരോഗ്യപ്രശ്‌നങ്ങള്‍ അലട്ടിയിരുന്ന ആബെ ഓഗസ്റ്റ് 28 നായിരുന്നു പ്രധാനമന്ത്രിപദത്തില്‍ നിന്ന് ഒഴിഞ്ഞത്.
