ഡല്ഹി: രാജ്യത്തെ ഏറ്റവും മികച്ച നിയമസഭാ സ്പീക്കര്ക്കുള്ള ചിത്ര സംസദ് പുരസ്കാരം സംസ്ഥാന നിയമസഭാ സ്പീക്കര് പി. ശ്രീരാമകൃഷ്ണന് ഉപരാഷ്ട്രപതി എം.വെങ്കയ്യ നായിഡുവില് നിന്ന് ഏറ്റുവാങ്ങി. ഇന്ത്യന് ഭരണഘടന മൂല്യങ്ങളുടെ സംഭരണിയാണെന്ന് പുരസ്കാര സ്വീകരണത്തിനു ശേഷം നടത്തിയ പ്രസംഗത്തില് സ്പീക്കര് പറഞ്ഞു. രാഷ്ട്രീയ പ്രകൃയയെ സര്ഗ്ഗാത്മകമാക്കണമെങ്കില് യുവത അതില് ഇടപെടണമെന്നും അദ്ദേഹം പറഞ്ഞു.
ലോക്സഭാ മുന്സ്പീക്കര് ശിവരാജ് പാട്ടീല്, ഡോ.കൈലാഷ് സത്യാര്ഥി, ഡോ.വിജയ് ഭട്കര്, പ്രൊഫ.വിശ്വനാഥ് ഡി. കാരാട് , ഡോ. രാഹുല് വി. കാരാട്, ഡോ. രഘുനാഥ് എന്നിവര് പങ്കെടുത്തു. സ്പീക്കര്, മികച്ച നിയമസഭാ സമാജികനുള്ള പുരസ്കരം നേടിയ ശബരീനാഥ് എന്നിവര്ക്ക് മലയാളി സംഘടനകളുടെ നേതൃത്വത്തില് സ്വീകരണം നല്കി.