തിരുവനന്തപുരത്ത് കണ്ടോൺമെന്റ് അസിസ്റ്റന്റ് കമ്മീഷണർക്ക് കൊവിഡ് സ്ഥിരീകരിച്ചു. ഇദ്ദേഹത്തിന്റെ സമ്പർക്ക പട്ടിക വിപുലമാണ്. മുഖ്യമന്ത്രി പങ്കെടുത്ത ചടങ്ങിൽ ഉൾപ്പെടെ എസിപി പങ്കെടുത്തിട്ടുണ്ട്. തിരുവന്തപുരത്ത് മുഖ്യമന്ത്രി ഇന്ന് പങ്കെടുത്ത ശ്രീനാരായണ ഗുരുവിന്റെ പ്രതിമാ അനാച്ഛാദന പരിപാടിയിലും എസിപി പങ്കെടുത്തിരുന്നു. എന്നാൽ മുഖ്യമന്ത്രിയുമായ നേരിട്ട് സമ്പർക്കം ഉണ്ടായിരുന്നില്ല. ജലീലിന്റെ രാജി ആവശ്യപ്പെട്ടുള്ള പ്രതിപക്ഷ സംഘടനകളുടെ സമരത്തെ നേരിട്ടത് എസിപിയുടെ നേതൃത്വത്തിലുള്ള പൊലീസ് സംഘമാണ്. കോൺഗ്രസിലെയും ബിജെപിയിലെയും നിരവധി നേതാക്കളാണ് ഇതോടെ നിരീക്ഷണത്തിൽ പോകേണ്ടി വരും.
എസിപിയുടെ സമ്പർക്ക പട്ടിക ഉടൻ ആരോഗ്യ വകുപ്പ് തയ്യാറാക്കും. സെക്രട്ടറിയേറ്റിലെ സമരത്തിൽ പങ്കെടുത്തവരോട് ആരോഗ്യ വകുപ്പുമായി ബന്ധപ്പെടാൻ ആവശ്യപ്പെട്ടിട്ടുണ്ട്. സമരത്തിൽ പങ്കെടുത്ത 3000 ത്തോളം പ്രവർത്തകർക്കെതിരെ കണ്ടോൺമെന്റ് പൊലീസ് കേസെടുത്തിട്ടുണ്ട്. ഹൈക്കോടതി നിർദ്ദേശ പ്രകാരം പകർച്ച വ്യാധി നിയമപ്രകാരമുള്ള വകുപ്പുകളും ഇവർക്കെതിരെ ചുമത്തിയിട്ടുണ്ട്.