മലയാളത്തിലെ സൂപ്പർ ഹിറ്റ് ചിത്രം മഹേഷിന്റെ പ്രതികാരത്തിന്റെ തെലുങ്ക് റീമേക്ക് റിലീസിന് ഒരുങ്ങുന്നു. മഹേഷിന്റെ പ്രതികാരം ഉമ മഹേശ്വര ഉഗ്ര രൂപസ്യ എന്ന പേരിലാണ് മൊഴിമാറ്റം നടത്തുന്നത്. ദിലീഷ് പോത്തൻ മലയാളത്തിൽ ഒരുക്കിയ ചിത്രം തെലുങ്കിൽ മഹാ വെങ്കിടേഷാണ് സംവിധാനം ചെയ്യുന്നത്. വെങ്കിടേഷ് തന്നെയാണ് തിരക്കഥയും ഒരുക്കുന്നത്.
ഉമ മഹേശ്വര ഉഗ്ര രൂപസ്യയിൽ സത്യദേവ് കാഞ്ചനായാണ് നായകൻ. സുഹാസ്, വി. കെ. നരേഷ്, സത്യദേവ് കാഞ്ചരണ എന്നിവരും ചിത്രത്തിൽ വേഷമിടുന്നുണ്ട്. മലയാളത്തിലെ പഴയകാല നടൻ രാഘവനും ചിത്രത്തിലുണ്ട്. നായകന്റെ അച്ഛന്റെ വേഷത്തിലാണ് രാഘവൻ എത്തുന്നത്.
ഉമ മഹേശ്വര ഉഗ്ര രൂപസ്യയുടെ മോഷൻ ടീസർ കഴിഞ്ഞ ദിവസം പുറത്തിറങ്ങി. മഹേഷിന്റെ പ്രതികാരം ഓരോ ഫ്രയിമിലും അതേപടി പകർത്തിയെന്ന് വ്യക്തമാക്കുന്നതാണ് ടീസർ.