ഇന്ത്യയിൽ കൊവിഡ് മരണ നിരക്ക് ഒരു ലക്ഷം കടന്നു. ലോകത്തിലെ കൊവിഡ് മരണ നിരക്കിന്റെ 10 ശതമാനമാണ് ഇത്. കഴിഞ്ഞ 24 മണിക്കൂറിനിടെ 80, 000 കൊവിഡ് കേസുകളാണ് രാജ്യത്ത് റിപ്പോർട്ട്‌ ചെയ്തത്. ഇതോടെ രാജ്യത്തെ കൊവിഡ് ബാധിതരുടെ എണ്ണം അറുപതിമൂന്ന് ലക്ഷം കടന്നു. എന്നാൽ, ലോകത്ത് ഏറ്റവും അധികം കൊവിഡ് മുക്തിനേടുന്ന രാജ്യം ഇന്ത്യയാണ് എന്നത് ആശ്വാസകരമാണ്.
ഇന്ത്യയിൽ ഏറ്റവും അധികം കൊവിഡ് മരണങ്ങൾ റിപ്പോർട്ട്‌ ചെയ്യപ്പെട്ട സംസ്ഥാനം മഹാരാഷ്ട്രയാണ്. ഇതുവരെ 38, 000 മരണങ്ങളാണ് സംസ്ഥാനത്ത് റിപ്പോർട്ട്‌ ചെയ്യപ്പെട്ടത്. രാജ്യത്ത് പ്രതിദിനം 80, 000 മുതൽ 90, 000 വരെ കൊവിഡ് കേസുകൾ റിപ്പോർട്ട്‌ ചെയ്യുന്നത് ആശങ്കാജനകമാണെന്ന് ശാസ്ത്രജ്ഞർ പറഞ്ഞു.
ആഗോളതലത്തിൽ കൊവിഡ് കേസുകൾ 3 കോടി കവിഞ്ഞു. കൊവിഡ് ഏറ്റവുമധികം ബാധിച്ച രാജ്യങ്ങളിൽ ഒന്നാമത് അമേരിക്കയും രണ്ടാമത് ഇന്ത്യയും മൂന്നാമത് ചൈനയുമാണ്. കഴിഞ്ഞ ദിവസം ലോകത്തിലെ കൊവിഡ് മരണനിരക്ക് 10 ലക്ഷമായി ഉയർന്നിരുന്നു.
