ഷവോമിയുടെ ജനപ്രിയ മോഡലായ MI A3 ഫോണിൽ ആൻഡ്രോയിഡ് 10 അപ്ഡേഷൻ ഉടനെത്തും. ഫെബ്രുവരി മധ്യത്തോടെയാകും അപ്ഡേഷനെത്തുകയെന്ന് കമ്പനി അധികൃതർ വ്യക്തമാക്കി. ട്വിറ്ററിലൂടെയാണ് ഷവോമി ഇക്കാര്യം അറിയിച്ചത്. മറ്റ് മോഡലുകളായ റെഡ്മി കെ 20 പ്രൊ. എം ഐ 8, എം ഐ 9 എന്നിവയിൽ ആൻഡ്രോയിഡ് 10 ഇതിനകം ഷവോമി അപ്ഡേറ്റ് ചെയ്തിട്ടുണ്ട്. കൂടാതെ ഈ ഫോണുകളിൽ എം ഐയുടെ യൂസർ ഇന്റർഫേസ് 11 അപ്ഡേഷനും ഷവോമി ചെയ്തു കഴിഞ്ഞു.
2019 ആഗസ്റ്റിലാണ് ഷവോമി എം ഐ A3 അവതരിപ്പിച്ചത്. എം ഐ A1, A2 എന്നിവക്ക് പുറമെയാണ് കൂടുതൽ ഫീച്ചറുകളോടെ എം ഐ A3 ഷവോമി പുറത്തിറിക്കിയത്. ആൻഡ്രോയിഡ് എ9 പൈയായിരുന്നു ഇവയിലെ ഓപ്പറേറ്റിംഗ് സിസ്റ്റം. സ്നാപ്ഡ്രാഗണ് 665 പ്രൊസസര് കരുത്ത് പകരുന്ന ഫോണിന് വാട്ടര്ഡ്രോപ് നോച്ച് ഡിസ്പ്ലെയാണ്. 32 മെഗാപിക്സലിന്റെ സെല്ഫി ക്യാമറ ഈ മോഡലിലെ പ്രധാന ഹൈലൈറ്റുകളിലൊന്നാണ്.