ബോയിങ് 747 വിമാനത്തോളം വലിപ്പമുള്ള ഛിന്നഗ്രഹം ബുധനാഴ്ച ഭൂമിയുടെ ഭ്രമണപഥത്തിലൂടെ കടന്നുപോകാൻ സാധ്യതയെന്ന് നാസ. നാസയുടെ ഛിന്നഗ്രഹ നിരീക്ഷണ കേന്ദ്രമാണ് 2020 ആർകെ2 എന്ന് പേരിട്ടിരിക്കുന്ന ഛിന്നഗ്രഹം കടന്നുപോകാൻ സാധ്യതയുണ്ടെന്ന് അറിയിച്ചത്.
ഛിന്നഗ്രഹം ഭൂമിയിൽ നിന്ന് 2,380,000 മൈൽ അകലത്തിലൂടെയായിരിക്കും കടന്നുപോകുക. ഗ്രഹത്തിന്റെ സഞ്ചാരപഥം ഭൂമിയെ ഒരു രീതിയിലും ബാധിക്കില്ലെന്ന് ശാസ്ത്രജ്ഞർ അറിയിച്ചു. 118- 265 അടി വലിപ്പമാണ് ഈ ഛിന്നഗ്രഹത്തിനുള്ളത് എന്നാണ് കണക്കാക്കപ്പെടുന്നത്. സെക്കന്റിൽ 6.68 കിലോമീറ്റർ വേഗതയിലാണ് നിലവിൽ 2020 ആർകെ2 നീങ്ങുന്നത്.
2020 ആർകെ2 സെപ്റ്റംബറിലാണ് ആദ്യമായി ശാസ്ത്രലോകത്തിന്റെ ശ്രദ്ധയിൽപെട്ടത്. സെപ്റ്റംബർ 24 നാണ് മറ്റൊരു ഛിന്നഗ്രഹം ഭൂമിയ്ക്ക് സമീപതിലൂടെ കടന്നുപോയത്. 4.5 ബില്യൺ വർഷങ്ങൾക്ക് മുമ്പ് രൂപം കൊണ്ട ചെറിയ ഗ്രഹങ്ങളാണിതെന്നാണ് ശാസ്ത്രജ്ഞരുടെ അഭിപ്രായം.
