രാജ്യത്ത് കൊവിഡ് വ്യാപനം രൂക്ഷമായി. കഴിഞ്ഞ 24 മണിക്കൂറിനിടെ 78,000 പോസിറ്റീവ് കേസുകളാണ് റിപ്പോർട്ട് ചെയ്തത്. ഇതോടെ രാജ്യത്തെ മൊത്തം കൊവിഡ് രോഗബാധിതരുടെ എണ്ണം 68 ലക്ഷം കവിഞ്ഞു.
കഴിഞ്ഞ ദിവസത്തെ കണക്കുപ്രകാരം 971 പേരാണ് കൊവിഡ് കാരണം മരണപ്പെട്ടത്. ഇതോടെ രാജ്യത്തെ മൊത്തം കൊവിഡ് മരണ നിരക്ക് ഒരു ലക്ഷം കവിഞ്ഞു. 9,02,425 ആക്റ്റീവ് കേസുകളാണ് ഇപ്പോൾ രാജ്യത്ത് ഉള്ളത്. 5 ലക്ഷത്തിൽ പരം ആളുകൾ രോഗമുക്തരായി ആശുപത്രി വിട്ടു. രാജ്യത്തെ രോഗമുക്തി നിരക്ക് 85.02 ശതമാനമായി ഉയർന്നതായി കേന്ദ്ര ആരോഗ്യ മന്ത്രാലയം അറിയിച്ചു.
രാജ്യത്തെ ഏറ്റവും വലിയ ചേരിയായ ധാരാവിയിൽ ഉണ്ടാകുന്ന കൊവിഡ് വ്യാപനം തടയുന്നതിനായുള്ള അധികൃതരുടെ പ്രവർത്തനങ്ങളെ ലോക ബാങ്ക് കഴിഞ്ഞ ദിവസം പ്രശംസിച്ചു. നിശ്ചിത സമയങ്ങളില് പനിയും ഓക്സിജന് അളവും പരിശോധിക്കുന്നതിനായി ആശുപത്രികള് സജ്ജീകരിച്ചത് പ്രശംസനീയമാണെന്നു ബാങ്ക് പറഞ്ഞു.
ലോകത്തെ കൊവിഡ് രോഗികളുടെ എണ്ണം 3 കോടി കടന്നു. 10 ലക്ഷത്തിൽ പരം ആളുകൾ മരണപ്പെട്ടു. 2 കോടിയിലധികം പേർ രോഗമുക്തി നേടി.