തുടർച്ചയായി പതിമൂന്നാം വർഷവും രാജ്യത്തെ ഏറ്റവും വലിയ പണക്കാരുടെ ഫോർബ്സ് ലിസ്റ്റിൽ ഒന്നാമനായി മുകേഷ് അംബാനി. 2020ലെ ഫോർബ്സ് കണക്കുകൾ പ്രകാരം അംബാനി 37.3 ബില്യൺ ഡോളറാണ് ഈ വർഷം സമ്പാദിച്ചത്. ഇതോടെ അദ്ദേഹത്തിന്റെ മൊത്തം സമ്പാദ്യം 88.7 ബില്യൺ ഡോളർ ആയി ഉയർന്നു.
ഗൗതം അദാനിയാണ് രണ്ടാം സ്ഥാനത്ത്. 25.2 ബില്യൺ ഡോളറാണ് ഇദ്ദേഹം ഈ വർഷം സമ്പാദിച്ചത്. 20.4 ബില്യൺ ഡോളർ നേടിയതിലൂടെ ടെക് ബിസിനെസ്സ്മാൻ ശിവ് നാടാരാണ് മൂന്നാം സ്ഥാനത്ത്. രാധാകൃഷ്ണ ദമാനി, സൈറസ് പൂനാവല, പല്ലൊഞ്ചി മിസ്ട്രി, ഉദയ് കോട്ടക്, ഗോദ്രേജ്, ലക്ഷ്മി മിറ്റൽ എന്നിവരാണ് ലിസ്റ്റിൽ ബാക്കിയുള്ളവർ.
