പ്രശസ്ത ബോളിവുഡ് നടൻ മിഥുൻ ചക്രബർത്തിയുടെ മകനും ഭാര്യക്കുമെതിരെ ബലാത്സംഗക്കുറ്റത്തിന് മുബൈ പൊലീസ് കേസെടുത്തു. ഒക്ടോബർ 15ന് ഡല്‍ഹി കോടതിയില്‍ ഒരു പെൺകുട്ടി നൽകിയ പരാതിയിന്മേലാണ് നടപടി.
മിഥുൻ ചക്രബർത്തിയുടെ മകനായ മഹാക്ഷയ്ക്കും ഭാര്യ യൊഗീത ബാലിക്കുമെതിരെയാണ് പെൺകുട്ടി പരാതി നൽകിയത്. താനും മഹാക്ഷയുമായി പ്രണയ ബന്ധത്തിൽ ആയിരുന്നുവെന്നും ശീതള പാനീയത്തിൽ മയക്കുമരുന്ന് കലർത്തി നൽകിയതിന് ശേഷം തന്നെ പീഡിപ്പിച്ചുവെന്നും പെണ്‍കുട്ടി പരാതിയിൽ പറയുന്നുണ്ട്. ഇതിനെപ്പറ്റി സംസാരിച്ചപ്പോൾ വിവാഹ വാഗ്ദാനം നൽകിയെന്നും പിന്നീട് വഞ്ചിച്ചുവെന്നും അവര്‍ പറഞ്ഞു.
നേരത്തെ മുംബൈ പൊലീസിൽ മുൻപേ പരാതി സമർപ്പിക്കാൻ ശ്രമിച്ചെങ്കിലും പൊലീസ് അതിന് തയ്യാറായിരുന്നില്ല. പിന്നീട് ഡൽഹി കോടതിയിൽ പരാതി നൽകുകയായിരുന്നു. കോടതി മുംബൈ പോലീസിനോട് കേസ് രജിസ്റ്റര്‍ ചെയ്യാന്‍ ആവശ്യപ്പെട്ടു. ഇതിന് പിന്നാലെയാണ് എഫ്ഐആർ രജിസ്റ്റർ ചെയ്തതെന്നും പെൺകുട്ടി ചൂണ്ടിക്കാട്ടി. മുംബൈയിലെ ഓഷിവാര പൊലീസ് സ്റ്റേഷനിലാണ് കേസ് രജിസ്റ്റർ ചെയ്തിരിക്കുന്നത്.
