ചെന്നെ : നടന് വിജയ് സേതുപതിയുടെ മകള്ക്കെതിരെ ബലാത്സംഗ ഭീഷണി. ക്രിക്കറ്റ് ഇതിഹാസം മുത്തയ്യ മുരളീധരന്റൈ ജീവിതത്തെ ആസ്പതമാക്കി ഒരുങ്ങുന്ന 800 എന്ന ചിത്രത്തില് മുരളിയായി വിജയ് സേതുപതിയായിരുന്നു അഭിനയിക്കാനിരുന്നത്, തമിഴ്നാട്ടിലുടനീളം ഇതിനെതിരെ പ്രതിഷേധങ്ങളുയര്ന്നിരുന്നു. ഇതിനു പിന്നാലെയാണ് അദ്ദേഹത്തിന്റെ മകളെ ബലാത്സംഗം ചെയ്യുമെന്നു പറഞ്ഞുളള ട്വീറ്റുകള് പ്രത്യക്ഷപ്പെട്ടത്.
തമിഴില് എഴുതിയിരിക്കുന്ന ട്വീറ്റ് വിവാദമായതോടെ ഇതിനെതിരെ കടുത്ത വിമര്ശനവുമായി നിരവധിപേരാണ് രംഗത്തെത്തിയത്. 800 ന്റെ ഫസ്റ്റ് ലുക്ക് പോസ്റ്റര് പുറത്തിറങ്ങിയപ്പോള് മുതല് വിജയ് സേതുപതിക്കെതിരായി സൈബര് ആക്രമണങ്ങള് വരികയും അതിനു പിന്നാലെ നടന് സിനിമയില് നിന്ന് പിന്മാറുകയും ചെയ്തിരുന്നു. തമിഴ് വംശജര് കൂട്ടത്തോടെ കൊലചെയ്യപ്പെട്ട ശ്രീലങ്കയിലെ ക്രിക്കറ്റ് താരത്തെ കുറിച്ചുളള സിനിമ എന്തിനാണ് ഇന്ത്യയില് നിര്മ്മിക്കുന്നതെന്നാണ് സിനിമക്കെതിരായ ഒരു വിമര്ശനം. നടനെയും ചിത്രത്തെയും അനുകൂലിച്ചും പ്രതികൂലിച്ചും നിരവധി പേര് സംസാരിച്ചിരുന്നു. സംവിധായകന് ഭാരതിരാജ വിജയ് സേതുപതിയെ രൂക്ഷമായി വിമര്ശിച്ചിരുന്നു. ഇതിനു തൊട്ടുപിന്നാലെയാണ് വിജയ് സേതുപതിയുടെ മകള്ക്കെതിരായ ബലാത്സംഗ ഭീഷണി. ഐ പി എല് മത്സരത്തില് തോറ്റതിനു പിന്നാലെ ക്രികറ്റ് ഇതിഹാസം ധോണിയുടെ മകള്ക്കു നേരേയും ഇത്തരത്തില് ബലാത്സംഗ ഭീഷണിയുയര്ത്തി പോസ്റ്റുകള് പ്രത്യക്ഷപ്പെട്ടിരുന്നു.