കേന്ദ്രസർക്കാർ ജീവനക്കാർക്ക് ബോണസ് പ്രഖ്യാപിച്ചു. ഉത്സവ സീസണോട് അനുബന്ധിച്ചാണ് ബോണസ് പ്രഖ്യാപിച്ചത്. കേന്ദ്ര മന്ത്രിസഭാ യോഗമാണ് ഇത് സംബന്ധിച്ച് തീരുമാനം എടുത്തത്. പ്രധാനമന്ത്രിയുടെ അധ്യക്ഷതയിലാണ് മന്ത്രിസഭാ യോഗം ചേർന്നത്. കേന്ദ്രമന്ത്രി പ്രകാശ് ജാവഡേക്കറാണ് ഇക്കാര്യം അറിയിച്ചത്.
30 ലക്ഷത്തോളം നോൺ ഗസറ്റഡ് ജീവനക്കാർക്കാണ് ഇതിന്റെ ഗുണം ലഭിക്കുക. ജീവനക്കാർക്ക് ഒറ്റത്തവണയായി ശമ്പളത്തോടൊപ്പം ബോണസ് ലഭിക്കും. ബോണസ് കൊടുക്കന്നതിനായി കേന്ദ്ര സർക്കാറിന് 3737 കോടി രൂപയാണ് ചെലവ് വരിക. വിജയദശമി ദിനത്തിന് മുമ്പ് പണം ജീവനക്കാർക്ക് കൈമാറും. ഡയറക്ട് ബെനിഫിറ്റ് ട്രാൻസഫർ വഴിയാകും ബോണസ് ജീവനക്കാർക്ക് കൈമാറുക. റെയിൽവെ, പോസ്റ്റ് ഓഫീസ്, ജീവനക്കാർക്കു ബോണസ് ആനുകൂല്യങ്ങൾ ലഭിക്കും.