നടി കങ്കണയോട് അപമര്യാദയായി പെരുമാറിയതിന് ഒമ്പത് മാധ്യമപ്രവര്ത്തകര്ക്ക് വിലക്ക്, സെപ്റ്റംബറില് ചണ്ഡീഗഡ്-മുംബൈ വിമാനത്തില് മാധ്യമപ്രവര്ത്തര് കങ്കണയോടും സഹയാത്രികരോടും മോശമായി പെരുമാറി എന്ന് കണ്ടെത്തിയതിനു പിന്നാലെയാണ് ഇന്ഡിഗോ വിമാനക്കമ്പനിയുടെ നടപടി. ഒക്ടോബര് 15 മുതല് 30 വരെയാണ് വിലക്ക്.
വിമാനത്തിലെ മാര്ഗനിര്ദേശങ്ങള് ലംഘിക്കുന്നവര്ക്കെതിരെ നടപടിയെടുക്കാനും റിപ്പോര്ട്ട് സമര്പ്പിക്കാനും ഡയറക്ടറേറ്റ് ജനറല് ഓഫ് സിവില് ഏവിയേഷന് ഇന്ഡിഗോയ്ക്ക് നിര്ദേശം നല്കിയിരുന്നു. വിമാനത്തില് കങ്കണയെ കണ്ടയുടന് മാധ്യമപ്രവര്ത്തകര് മുന്നിരയിലേക്ക് ഓടിക്കയറുകയും ദ്യശ്യങ്ങള് എടുത്ത് അവരെ കാണിക്കാന് ശ്രമിക്കുകയും ചെയ്തു. ഇത് തടയാന് ശ്രമിച്ച ക്രൂ അംഗങ്ങളുടെ നിര്ദേശങ്ങള് പാലിക്കാനും അവര് കൂട്ടാക്കിയില്ല. ഇത് സഹയാത്രികര്ക്ക് ബുദ്ധിമുട്ടുണ്ടാക്കുകയും സുരക്ഷയും കൊവിഡ് പ്രോട്ടോക്കോളും ലംഘിക്കുന്ന തരത്തിലുളള പ്രവൃത്തിയും ആയിരുന്നെന്ന അന്വേഷണ സംഘം കണ്ടെത്തി.
2020 ജനുവരിയില് മാധ്യമ പ്രവര്ത്തകന് അര്ണബ് ഗോസ്വാമിയോട് അപമര്യാദയായി പെരുമാറിയതിന് സ്റ്റാന്റഅപ്പ് കൊമേഡിയന് കുനാല് കുമ്രയ്ക്കെതിരെയും ഇന്ഡിഗോ സമാനമായ രീതിയില് വിലക്ക് ഏര്പ്പെടുത്തിയിരുന്നു. വിമാനത്തില് ഇത്തരം പെരുമാറ്റങ്ങള് ആവര്ത്തിക്കാന് അനുവധിക്കരുതെന്ന് ഡിജിസി ഐ എല്ലാ വിമാനക്കമ്പനികള്ക്കും മുന്നറിയിപ്പ് നല്കിയിട്ടുണ്ട്.