ഡല്ഹി: കഴിഞ്ഞ 24 മണിക്കൂറിനുള്ളില് 43,893 കൊവിഡ് കേസുകളാണ് രാജ്യത്ത് റിപ്പോര്ട്ട് ചെയ്തത്. ഇതോടെ മൊത്തം കൊവിഡ് രോഗികളുടെ എണ്ണം 79,90,322 ആയതായി കേന്ദ്ര ആരോഗ്യ മന്ത്രാലയം അറിയിച്ചു. കഴിഞ്ഞ 24 മണിക്കൂറിനുള്ളില് 508 പേര്ക്ക് ജീവന് നഷ്ടമായതോടെ രാജ്യത്ത് കൊവിഡ് ബാധിച്ച് മരണപ്പെട്ടവരുടെ എണ്ണം ഒരു ലക്ഷത്തി ഇരുപതിനായിരം കടന്നു. 1.5% ആണ് രാജ്യത്തെ മരണനിരക്ക്. 6,25,857 പേരാണ് ഇപ്പോള് ചികിത്സയില് ഉള്ളത്.
ഇതുവരെ രാജ്യത്ത് 72,595,09 പേര് കൊവിഡ് മുക്തി നേടിയതായി കേന്ദ്ര ആരോഗ്യ മന്ത്രാലയം അറിയിച്ചു. രാജ്യത്തെ രോഗമുക്തി നിരക്ക് ഇതോടെ 90.85 ശതമാനമായി ഉയര്ന്നു. ഇതുവരെ 10 കോടിയിലധികം സാമ്പിളുകളാണ് പരിശോധിച്ചത്.
കേരളത്തിൽ കഴിഞ്ഞ 24 മണിക്കൂറിനിടെ 5,457 കേസുകളാണ് റിപ്പോർട്ട് ചെയ്തത്. ഇതോടെ സംസ്ഥാനത്തെ മൊത്തം കൊവിഡ് രോഗബാധിതർ മൂന്ന് ലക്ഷം കടന്നു. കഴിഞ്ഞ ദിവസത്തെ കണക്കുകള് അനുസരിച്ച് 24 പേരാണ് കേരളത്തില് കൊവിഡ് ബാധിച്ച് മരിച്ചത്. നിലവില് 4 കോടിയിലധികം കൊവിഡ് കേസുകളാണ് ലോകത്ത് റിപ്പോര്ട്ട് ചെയ്യപ്പെട്ടത്.